U pačatku červienia hazavy terminał u Śvinaujście prymie partyju zvadkavanaha pryrodnaha hazu (ZPH) z ZŠA. Pra heta 16 maja paviedamiŭ vice-staršynia praŭleńnia Polskaj naftavaj i hazavaj kampanii Maciej Voźniak na kanfierencyi Gazterm 2017. Kampanija padpisała damovu z amierykanskim kancernam Cheniere Energy.
Na hety momant dziejničaje damova na pastaŭku ŭ Polšču hazu z Katara, što nie vyklučaje mahčymaści zaklučać kantrakty ź inšymi pastaŭščykami.
Maciej Voźniak adznačyŭ, što pastaŭki hazu z ZŠA stanuć čarhovym krokam na šlachu źnižeńnia zaležnaści ad pastavak rasijskaha hazu: «My dyviersifikujem pastaŭki zvadkavanaha pryrodnaha hazu. My budziem atrymlivać i haz z Katara, u nas zaklučany kantrakt na 20 hadoŭ, i haz ZŠA, pakul što aformleny adnarazovyja pastaŭki. Kali na rynku źjaŭlajucca dobryja prapanovy, my ich sprabujem vykarystać. U hetym hałoŭnaja vartaść terminała ZPH — my možam atrymać haz ź luboj kropki śvietu, z sudna, jakoje prapanuje nizkuju canu».
«My zaklučyli dahavor pakul što na adnu pastaŭku z ZŠA. Mahčyma, u budučyni my padpišam niekalki adnarazovych kantraktaŭ takoha rodu. Taksama mahčyma, što my zaklučym siarednieterminovy dahavor, nie na 20 hadoŭ, a naprykład, na 3 hady», — dadaŭ vice-staršynia praŭleńnia Polskaj naftavaj i hazavaj kampanii.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary