Ministerstvam justycyi Respubliki Biełaruś zarehistravana Respublikanskaje daśledča-aśvietnickaje hramadskaje abjadnańnie «Havary praŭdu» (skaročanaja nazva — RDAHA «Havary praŭdu»).
Kampanija «Havary praŭdu» była zasnavana ŭ 2010 hodzie, rabiłasia šeść sprobaŭ zahehistravacca, ale jany byli marnyja.
Kiraŭnik kampanii — Andrej Dźmitryjeŭ, adkazaŭ na pytańni «Našaj Nivy» z nahody rehistracyi.
«Pryncypova ničoha nie źmienicca, — skazaŭ Dźmitryjeŭ pra dziejnaść «HP». — Rehijanalnaja praca ŭ pryjarytecie, kampanii pa debiurakratyzacyi i padrychtoŭka da ŭdziełu ŭ miascovych vybarach».
Na pytańnie ab pryčynach rehistracyi va ŭmovach, kali rehistrujuć daloka nie ŭsich na toje achvotnych, Dźmitryjeŭ adkazaŭ tak.
«Budziem ščyrymi: nas nie rehistravali 7 hod, 6 hadoŭ my padavali na rehistracyju. Za hety čas my vystaŭlali kandydataŭ na prezidenckich vybarach, na miascovych. De-fakta my byli pryznanyja daŭno, ciapier voś de-jure. Čamu? Heta žadańnie ŭłady zachavać i narmalizavać stasunki z Zachadam, i my skarystalisia hetaj mahčymaściu. Ułada razumieje, što naśpieli pieramieny. Pratesty minułaha miesiaca pakazali, kali ŭ krainie niama palityčnaha dyjałohu, kali apazicyja nie maje pradstaŭnictva na ŭsich uzroŭniach, to navat 10 tysiač na vulicach — heta vializnaja ryzyka dla palityčnaj stabilnaści krainy. I my vielmi spadziajemsia, što «Havary praŭdu» budzie nie adzinaj, a pieršaj u śpisie tych arhanizacyj, jakija čakajuć rehistracyi», — skazaŭ kiraŭnik «Havary praŭdu» i dadaŭ, što ad idei rehistracyi palityčnaj partyi ruch nie admaŭlajecca i płanuje stać joj ciaham 2 hadoŭ.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho5
Kamientary