U dni anamalnaj śpioki bolš za 100 biełarusaŭ atrymali ciepłavyja traŭmy
Pavodle źviestak Ministerstva achovy zdaroŭja, z 22 červienia było zafiksavana 111 takich vypadkaŭ. Amal pałova paciarpiełych — 48 čałaviek — byli špitalizavanyja, astatnim dapamohu akazali ambułatorna.
Za apošnija sutki taksama adznačany novy rost zvarotaŭ: 43 čałavieki źviarnulisia da daktaroŭ, u tym liku 15 u Bresckaj vobłaści.
Miedyki tłumačać, što ciepłavyja traŭmy ŭklučajuć ciepłavy ŭdar, soniečny ŭdar i ciepłavyja sutarhi. Usie hetyja stany ŭźnikajuć praź pierahreŭ arhanizma i stratu vadkaści i solaŭ.
Śpiecyjalisty papiaredžvajuć, što ŭ śpioku arhanizm chutka tracić vadu, kroŭ zhuščajecca, što pavyšaje ryzyku trombaŭ. Asabliva niebiaśpiečna heta dla ludziej z sardečna-sasudzistymi zachvorvańniami, bo ŭzrastaje vierahodnaść insultaŭ i infarktaŭ.
Miedyki rekamiendujuć u haračaje nadvorje pić dastatkovuju kolkaść vady, nasić lohkaje adzieńnie śvietłych koleraŭ, paźbiahać pramych soniečnych pramianioŭ, a taksama abmiežavać fizičnyja nahruzki i ŭžyvańnie ałkaholu.
Raniej paviedamlałasia, što 29 červienia ŭ Biełarusi byŭ zafiksavany rekord tempieratury za ŭsiu historyju nazirańniaŭ — u Pinsku pavietra prahrełasia da +40,4°C.
Jak vyžyć u anamalnuju śpioku. Niečakanyja, ale dziejsnyja parady navukoŭcaŭ
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam
Ad anamalnaj śpioki ŭ Jeŭropie za tydzień zahinuli bolš za 1300 čałaviek
Jak zaścierahčy siabie ad śpioki
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho5
Kamientary