U Afrycy pačaŭsia nabor pacyjentaŭ dla kliničnych vyprabavańniaŭ, jakija pavinny dapamahčy znajści pieršyja efiektyŭnyja sposaby lačeńnia štamu virusa Eboła Bundibugyo (BVD). Pra heta paviedamiła Suśvietnaja arhanizacyja achovy zdaroŭja.
Daśledavańnie pravodzicca sumiesna z Nacyjanalnym instytutam bijamiedycynskich daśledavańniaŭ Demakratyčnaj Respubliki Konha, Instytutam trapičnaj miedycyny Bielhii i Oksfardskim univiersitetam.
Padčas vyprabavańniaŭ navukoŭcy aceniać efiektyŭnaść dvuch supraćvirusnych preparataŭ — monakłanalnaha antycieła MBP134 i remdesiviru, a taksama ich sumiesnaha vykarystańnia. Usie ŭdzielniki daśledavańnia buduć znachodzicca pad nazirańniem nie mienš za 28 dzion. Pry nieabchodnaści ŭ prahramu mohuć być uklučanyja i novyja preparaty.
U Suśvietnaj arhanizacyi achovy zdaroŭja adznačajuć, što navat bieź śpiecyjalnaha lačeńnia častka pacyjentaŭ vyzdaraŭlivaje, adnak efiektyŭnyja leki dazvolili b vyratavać značna bolš žyćciaŭ. Daśledčyki spadziajucca atrymać pieršyja vyniki ŭžo ŭ najbližejšyja miesiacy.
Pa słovach pradstaŭnikoŭ prajekta, praviadzieńnie kliničnych vyprabavańniaŭ niepasredna padčas uspyški zachvorvańnia dapamoža nie tolki palepšyć dapamohu ciapierašnim pacyjentam, ale i padrychtavacca da mahčymych epidemij u budučyni.
Na siońniašni dzień dla štamu Bundibugyo nie isnuje zaćvierdžanych mietadaŭ lačeńnia, choć dla inšych raznavidnaściaŭ virusa Eboła takija preparaty ŭžo vykarystoŭvajucca.
Pavodle aficyjnych źviestak, z pačatku ŭspyški ŭ Demakratyčnaj Respublicy Konha štam Bundibugyo byŭ vyjaŭleny bolš čym u 1 400 čałaviek. Amal 440 pacyjentaŭ pamierli, kala 210 — papravilisia.
Pieršy vypadak Eboły zafiksavali na terytoryi Francyi
SAAZ: Uspyška Eboły nabyła surjoznuju formu
Minzdaroŭja dało rekamiendacyi nakont lichamanki Eboły dla tych, chto vyjazdžaje za miažu
SAAZ abviaściła ŭspyšku lichamanki Eboła ŭ Afrycy nadzvyčajnaj situacyjaj mižnarodnaha značeńnia
U Afrycy novaja ŭspyška lichamanki Eboła: 65 pamierłych u DR Konha, adzin śmiarotny vypadak va Uhandzie
Jak pajechać u ekzatyčnaje padarožža i nie zachvareć?
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary