Ludzi na vulicy dapamahli milicyjanieram zatrymać rabaŭnika kramy ŭ Łunincy, paviedamiŭ BIEŁTA aficyjny pradstaŭnik UUS Bresckaha abłvykankama Siarhiej Dučenka.
Incydent adbyŭsia 26 maja kala 00.20 na pryvakzalnaj płoščy. U kruhłasutačny mahazin «Łasunak» Łuninieckaha rajonnaha spažyvieckaha tavarystva zajšoŭ mužčyna ŭ palčatkach i z naciahnutym na tvar šalikam. U hety momant u kramie nikoha, akramia 44-hadovaha pradaŭca, nie było. Dastaŭšy z kišeni kuchonny nož, nieviadomy pieralez praz pryłavak i pad pahrozaj prymianieńnia hvałtu zapatrabavaŭ vyručku. Spałochanaja žančyna dastała z kasy kala 310 rubloŭ i pieradała ich rabaŭniku. Zabraŭšy hrošy, toj kinuŭsia naŭcioki.
Toje, što adbyvajecca ŭ kramie, z vulicy praź vitrynu ŭbačyŭ 19-hadovy miascovy žychar, navučeniec druhoha kursa Bresckaha dziaržaŭnaha kaledža śfiery absłuhoŭvańnia, jaki prachodziŭ mima ź dziaŭčynaj. Chłopiec kinuŭsia ŭśled za złačyncam. Dahnaŭšy, pavaliŭ jaho na ziamlu. Na dapamohu padaśpieŭ jašče adzin minak — rabotnik łakamatyŭnaha depo. Razam jany skrucili ŭciekača. U hety momant na miesca zdareńnia prybyli vyklikanyja pradaŭcom pa knopcy tryvožnaj sihnalizacyi narady milicyi z adździeła Departamienta achovy i adździeła ŭnutranych spraŭ na transparcie.
Rabaŭnikom akazaŭsia 35-hadovy žychar Łuninca, jaki pracuje dvornikam u adnoj sa škoł rajcentra, raniej nie sudzimy. Mužčyna zatrymany i źmieščany ŭ izalatar časovaha ŭtrymańnia. U dačynieńni da jaho raspačataja kryminalnaja sprava pa č. 1 art. 207 KK (razboj). Sankcyja artykuła praduhledžvaje pakarańnie až da 10 hadoŭ pazbaŭleńnia voli.
«Hramadzianie, jakija prajavili śmiełaść, abaviazkova buduć zaachvočanyja», — adznačyŭ aficyjny pradstaŭnik UUS.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu5
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary