Siarhiej Sidorski prapanuje dyferencyjavać płatu za pasłuhi dziciačych sadkoŭ dla biednych i niabiednych baćkoŭ.
Siarhiej Sidorski prapanuje dyferencyjavać płatu za pasłuhi dziciačych sadkoŭ: šmat jakija baćki mohuć apłočvać ich całkam.
Ciapier baćkoŭskaja płata składaje ad nula (u sadzikach dla dziaciej z asablivaściami raźvićcia) da 60 adsotkaŭ dziaržaŭnych vydatkaŭ na charčavańnie dzicia. Bolšaść baćkoŭ štomiesiac vykładaje prykładna 30 tysiač rubloŭ za charčavańnie (suma varjirujecca ŭ zaležnaści ad uzrostu dzicia j režymu znachodžańnia) i kala 20 tysiač za kožny płatny hurtok, jaki naviedvaje ŭ sadku ich dzicionak.
Pavodle słoŭ ministra adukacyi Alaksandra Radźkova, dziaržava štomiesiac vydatkoŭvaje na charčavańnie daškalaci 48 tysiač rubloŭ. Prytrymlivacca normaŭ zdarovaha charčavańnia na hetuju sumu nie atrymlivajecca. Zbalansavanaje charčavańnie kaštavała b 64 tysiačy rubloŭ u miesiac.
Supiarečnaść miž hrašovymi j medyčnymi normami charčavańnia dziaciej isnuje ŭžo mnohija hady.
Premjer‑ministar ličyć, što likvidavać jaje možna za košt zabiaśpiečanych baćkoŭ. Pavodle jahonaha mierkavańnia, na hnutkuju škału nieabchodna pierajści da 2010 hodu.
U abaronu zabiaśpiečanych baćkoŭ zaŭvažym, što za ich košt administracyja sadkoŭ i škoł sprabuje vyrašyć i inšyja supiarečnaści: miž normami adličeńniaŭ na ramont, nabyćcio arhtechniki, cacak, kanctavaraŭ i realnymi patrebami sučasnych dziaciej. I što pavodle sacyjalnych standartaŭ minimalnaja suma, jakuju dziaržava vydatkoŭvaje na kožnaha vychavanca dziciačaha sadka, składaje 1 miljon 710 tysiač rubloŭ u hod. U niekatorych rehijonach hetyja vydatki dachodziać da 2,8 miljona.
To bok zamožnamu baćku pasłuhi dziaržaŭnaha dziciačaha sadka mohuć vylicca ŭ sumu, jakoj chapiła b na hod navučańniaŭ niedziaržaŭnaj VNU.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary