Antonia Perys z Fłarydskaha kaledža ŭ Sent-Piterśbierhu zusim niadaŭna vyjaviŭ tłumačeńnie zahadkavamu sihnału z kosmasu, jaki pryjšoŭ na Ziamlu ŭ žniŭni 1977 hoda i byŭ pryniaty za paviedamleńnie ad inšapłanietnych istotaŭ.
Paviedamleńnie ŭtrymlivała adnu frazu: «Wow!» («Oho!»). Sihnał byŭ znojdzieny astranomam Džery Ejmanam padčas pracy na radyjoteleskopie «Vialikaje vucha» va Univiersitecie štata Ahajo. Prasłuchoŭvańnie radyjosihnałaŭ pravodziłasia ŭ ramkach prajekta SETI, i na toj momant teleskop byŭ nakiravany ŭ bok hrupy zorak Chi suzorja Stralca. Skanujučy nieba, Ejman złaviŭ 72-siekundny ŭsplesk radyjochvalaŭ. Pravioŭšy chutki analiz, jon padpisaŭ jaho jak «Wow!». Tak sihnał atrymaŭ svajo imia.
Apošnija 40 hadoŭ sihnał «Wow!» razhladaŭsia ŭfołahami ŭ jakaści pramoha dokazu taho, što my nie adzinyja ŭ Suśviecie. Ekśpierty i prostyja ludzi vieryli, a niekatoryja i ščyra radavalisia, što ŭ nas narešcie źjavilisia dokazy isnavańnia pazaziemnaha žyćcia.
Antonia Perys pryjšoŭ da vynikaŭ, što krynicaj hetaha sihnału źjaŭlajecca para kamiet. Vysnovy navukoŭca byli apublikavanyja vydańniem Journal of the Washington Academy of Sciences.
Kamiety, viadomyja pad imionami 266P / Krystensiena i 335P / Hibsa, stvarajuć vakoł siabie hihanckija (pamieram niekalki miljonaŭ kiłamietraŭ) vadarodnyja abłoki. Sam 72-siekundny sihnał «Wow!» byŭ vyjaŭleny na častacie 1420 Mhc, što adpaviadaje radyjočastacie linii vykidaŭ niejtralnaha vadarodu.
Chacia hety sihnał i nie jość sihnałam inšaziemnych cyvilizacyj, što, vierahodna, parušyć mary ŭfołahaŭ, ciapier my možam być upeŭnienyja, što navukoŭcy našaje płaniety zdolnyja vyjaŭlać sihnały z kosmasu i navat vyznačać ich krynicy.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5959
Kamientary