Rasijanie nazvali Iosifa Stalina samym vybitnym čałaviekam usich časoŭ i narodaŭ. Jon apiaredziŭ u hetym rejtynhu Alaksandra Puškina i Uładzimira Pucina
Na pieršaje miesca ŭ rejtynhu samych vybitnych ludziej usich časoŭ i narodaŭ rasijanie pastavili Iosifa Stalina, takim jaho nazvali 38% apytanych. Na druhim i trecim miescach raźmiaścilisia Uładzimir Pucin i Alaksandr Puškin, jakija atrymali pa 34% hałasoŭ.
Apytańnie pravioŭ Levada-centr. Adkazvajučy na pytańnie, respandenty sami nazyvali imiony i nie byli abmiežavanyja adnym varyjantam adkazu, tamu suma pracentaŭ usich adkazaŭ pieravyšaje 100%.
32% rasijanaŭ nazvali samym vybitnym čałaviekam Uładzimira Lenina i 29% Piatra I.
U 2012 hodzie rasijanie nazvali tych ža ludziej u svaich adkazach, ale tady jany atrymali inšuju kolkaść hałasoŭ. Tak, na pieršym miescy išoŭ Stalin (42%), zatym Lenin i Piotr I, jakija nabrali pa 37% hałasoŭ. Puškin i Pucin zajmali čaćviortaje i piataje miescy (29 i 22%).
U pieršuju dziasiatku rejtynhu ŭ 2017 hodzie taksama ŭvajšli Jury Haharyn (20%), Leŭ Tałstoj (12%), Hieorhij Žukaŭ (12%), Kaciaryna II i Michaił Lermantaŭ (pa 11%).
Apytańnie było praviedziena z 7 pa 10 krasavika siarod 1600 čałaviek va ŭzroście 18 hadoŭ i bolej u 137 nasielenych punktach 48 rehijonaŭ Rasii
Jak minimum 14 čałaviek zatrymanyja za palityku ŭ rabočym pasiołku Jalizava2
Kamientary