Top-10 navinaŭ navuki i technałohij, jakija vy mahli prapuścić, — samaje cikavaje za červień
Prapanujem vašaj uvazie padborku samych cikavych navinaŭ červienia z raździełaŭ «Navuka», «Technałohii» i «Zdaroŭje».
1. Navukoŭcy narešcie vyvieli formułu dla zabojstva rakavych kletak
Čarhovym hučnym adkryćciom stała praca brytanskich navukoŭcaŭ, jakija dakazali: spałučeńnie daksicyklinu (paŭsintetyčnaha antybijotyku, jaki šyroka vykarystoŭvajecca dla lačeńnia prablem skury) i askarbinavaj kisłaty (vitamin S) źniščaje stvałavyja rakavyja kletki. Havorka idzie pra kletki, jakija stanoviacca pieršapryčynaj raka.
2. «Jak heta zroblena»: pakazvajem kinateatr znutry
Pačynajučy sieryju publikacyj «Jak heta zroblena», my pabyvali ŭ adnym z najstarejšych kinateatraŭ Minska — «Rakiecie», kab, pabačyŭšy ŭsio na ŭłasnyja vočy, raskazać vam pra žyćcio zvyčajnaha kinateatra znutry.
3. Ad WhatsApp da «Sihnała»: top-5 najbolš biaśpiečnych miesiendžaraŭ
Bolšaść stvaralnikaŭ sučasnych miesiendžaraŭ tak ci inakš imknucca kłapacicca pra biaśpiečny abmien paviedamleńniami pamiž karystalnikami. Zaraz možna navat kazać pra suśvietny trend u abaronie trafiku, jaki pieradajecca ŭ internecie. My stvaryli śpis najbolš viadomych biaśpiečnych miesiendžaraŭ.
4. Z dniom naradžeńnia, iPhone!
5 červienia adbyłasia prezientacyja Apple, na jakoj kampanija prezientavała novyja pryłady, a taksama zaŭvažnaje abnaŭleńnie svajoj apieracyjnaj sistemy iOS 11, dziakujučy jakoj płanšety iPad atrymajuć niekatoryja mahčymaści sapraŭdnych noŭtbukaŭ. My paviedamlali taksama pra cikavuju asablivaść animacyi špaleraŭ, vyjaŭlenuju ŭ iOS 11. A 26 červienia iPhone, jaki źmianiŭ śviet, śviatkavaŭ svoj dziasiaty dzień naradžeńnia.
5. Ahradrony častkova zamieniać traktary
Bieśpiłotnyja latalnyja aparaty, abo drony, časta vykarystoŭvajucca jak darahaja zabaŭka. Pryčym amatary bieśpiłotnikaŭ nastolki palubili nakiroŭvać svoj dron «kudy nie treba», što ŭrady roznych krain pačali prymać śpiecyjalnyja «antydronavyja» zakony. Ale drony ŭsio čaściej vykarystoŭvajucca i ŭ haspadarcy.
6. Vakcynacyju suprać hrypu mohuć zamianić płastyram
U ZŠA paśpiachova zaviaršylisia kliničnyja vyprabavańni ŭnikalnaha płastyru, jaki vystupaje ŭ jakaści alternatyvy tradycyjnym injekcyjam vakcyny ad hrypu.
7. Try čverci nasielnictva płaniety sutykniecca sa śmiarotna niebiaśpiečnaj śpiakotaj u nastupnyja 80 hod
Da kanca XXI stahodździa try čverci nasielnictva płaniety sutykniecca sa śmiarotna niebiaśpiečnaj śpiakotaj. Pra daśledavańnie amierykanskich i brytanskich navukoŭcaŭ raspaviadaje The Independent.
8. Znojdzienyja ŭ Jehipcie samyja staražytnyja ŭ śviecie ijerohlify šakavali navukoŭcaŭ
Navukoŭcy ź Jelskaha ŭniviersiteta i Karaleŭskaha muzieja mastactva i historyi (Bielhija) vyjavili samyja staražytnyja ŭ śviecie jehipieckija ijerohlify, adkazaŭšy, tym samym, na adno z hałoŭnych pytańniaŭ ab ich pachodžańni.
9. Vynajdzienaja kamiera, jakoj nie patrebny abjektyŭ
Usie sučasnyja kamiery majuć patrebu ŭ abjektyvie, adnak daśledčyki z Kalifarnijskaha technałahičnaha instytuta (California Institute of Technology, Caltech) stvaryli takoje rašeńnie, jakomu tradycyjnaja aptyčnaja sistema nie patrabujecca.
10. Vyprabavany pieršy lift biez trosaŭ, jaki ruchajecca viertykalna i haryzantalna
Mižnarodny kanhłamierat ThyssenKrupp 22 červienia prezientavaŭ pieršy ŭ śviecie lift Multi biez trosaŭ, jaki ruchajecca pa pryncypie mahleva. Hety lift padarožničaje pa pavierchach budynka, a taksama pa kalidorach u haryzantalnym kirunku.
Kamientary