Što pišuć u miascovych hazetach pra vybary?
Ź junactva pryvučyła siabie cikavicca palityčnymi padziejami ŭ krainie. Napiaredadni ž sioletniaj vybarčaj kampanii, vyrašyła paeksperymentavać: adnieścisia da hetaj padziei, jak siaredniestatystyčny hramadzianin, jakomu pa bolšaj miery, nie da palityki. I akramia razavych paviedamleńniaŭ pa telebačańni pra demakratyčnaść našych vybaraŭ i ich adkrytaść dy maleńkaj zamietki ŭ miascovaj hazecie «Žyćcio Paleśsia» pad zahałoŭkam «Odnim abzaciem» — vakoł nijakaha ažyŭleńnia. Pasprabavała havaryć pra blizkija vybary z kalehami na pradpryjemstvie i znajomymi. Dalej ździŭlenaha śmiaška, ci admachu rukoj — «Jakija vybary?», razmova nie išła.
Praciahvaju ŭvažliva pračytvać miascovuju hazetu. Pišuć pra pasiedžańni rajvykankamu, asabliva pra novaha kiraŭnika: z kim sustreŭsia, ab čym havaryŭ. Šmat — prosta pra padziei ŭ horadzie i rajonie, pra ludziej, jakija tut žyvuć i pracujuć. Ale najbolš źmiastoŭna pra žnivo — detalova, ź ličbami. Ci tak važna heta dla majho žyćcia? Dy i na žyćcio hramadztva ŭ cełym naŭrad paŭpłyvaje. A voś pra vybary ŭ hazecie ničoha za miesiac nie znajšła. Usio ž čatyry hady abranyja deputaty buduć mieć mahčymaści «ŭpłyvać» na žyćcio krainy, a, značyć, i majo ŭ tym liku.
Choć jak spałučyć tatalitarnaje kiraŭnictva z mahčymaściami deputataŭ. Zvyčajna niejak stała, što za nas možna prymać rašeńni. Pa admienie lhotaŭ usio vyrašali biaz nas. Kantraktnuju systemu taksama pryniali biez uliku našych mierkavańniaŭ… Ad takoha i mnie zachaciełasia machnuć rukoju: «Jakija vybary?». Tolki voś…
Pieraškadžaje adčuvańnie čałaviečaj hodnaści dy ŭnutranaha supraciŭleńnia vidavočnamu padmanu.Bo jak inakš možna nazvać toj fakt, što ad kiraŭnictva krainy čuješ adno, a ŭ žyćci bačyš druhoje. Słuchaju pra baraćbu z karupcyjaj i naziraju vakoł usio bolšaje narastańnie «cichaha» błatu pa svajactvu, ci za hrošy. Słuchaju pra baraćbu ź biurakratyzmam i čuju ad znajomych, jak narastaje kolkaść pustych adpisak u šmatlikija dziaržaŭnyja instancyi. Słuchaju ab pavieličeńni pensij i sa škadavańniem naziraju za žyćciom pensijaneraŭ, jakija nia mohuć nabyć nieabchodnyja leki i paŭnavartasnuju ježu.
Śpis možna praciahvać, dy spyniusia na vybarach. Prahledzieła śpis akruhovaj kamisii — pryjemna hladzieć na proźviščy, jakija ŭ horadzie na słychu. Ludzi ŭsie pavažanyja, na pasadach, z peŭnymi zasłuhami i aŭtarytetam.
Nu nia pojduć jany suprać samich siabie, nia buduć supiarečyć rekamendacyjam źvierchu: jość što hublać!Z 12 čałaviek — adzin pradstaŭnik apazycyjnaj Abjadnanaj hramadzianskaj partyi. Jak byccam strymana abiacańnie dapuścić da ŭdziełu ŭ pracy vybarčych kampanij pradstaŭnikoŭ ADS. Tolki voś usio kiraŭnictva akruhovych kamisijaŭ — adkaznyja rabotniki rajvykankamaŭ. Adzin suprać dvanaccaci! Rasceńvać heta, jak krok nasustrač prazrystaści i demakratyčnaści vybaraŭ? Ci za čas praviadzieńnia papiarednich vybarčych kampanij vopyt u ich falsyfikacyi nastolki vysoki, što nia strašna pa adnym «niazhodnym» uklučyć u skład kamisii?
A va ŭčastkovyja vybarčyja kamisii, tam dzie robicca realny padlik hałasoŭ, advažacca ŭklučyć pa adnamu pradstaŭniku ad apazycyi?Voś tut i budzie momant iściny…
Što ž, takaja ŭpeŭnienaść i dapuščeńnie ryzyki daje mahčymaść zrabić vysnovu: -- usio budzie vykanana tak, jak zaplanavana. Ci nia ŭziać na siabie ŭpeŭnienaść dy sprahnazavać, chto budzie abrany ŭ deputaty chacia b u troch akruhach? Paleskaja akruha — Kanoplič, Mazyrskaja — Arciušenka, Kalinkavickaja — Cichanskaja. Škada, što nielha zrabić staŭki… Ci nia tak?...
I jašče adna kankretyka. Niejak drenna adčuvała ja siabie ŭ roli «siaredniestatystyčnaha», nie pa-čałaviečamu. Sumna, kali zdymaješ ź siabie pačućcio adkaznaści za svoj los. Nielha być abasoblenym ad hramadzkich i palityčnych źjaŭ u krainie, dzie ty žyvieš i čakać, chto i jak ciabie skarystaje. Va ŭsialakim vypadku, pierastać być «siaredniestatystyčnym» chacia b dla eksperymentu, na momant vybaraŭ, možna pasprabavać. A raptam spadabajecca novy vobraz, u jakim kudy bolš čałaviečaj hodnaści i karyści.
Kamientary