Dziaržkamvajenpram apublikavaŭ pieršaje videa z vyprabavańniaŭ tanka T-72BME, stvoranaha śpiecyjalistami 140-ha braniatankavaha zavoda. U roliku pakazanyja taksama praces zborki, abstalavańnie i mahčymaści mašyny.
T-72BME zdolny źniščyć lubuju cel na adlehłaści da 5,5 kiłamietra. Chutkastrelnaść 125-mm harmaty dasiahaje 8 strełaŭ u chvilinu, pakolki vykarystoŭvajecca aŭtamat zaradžańnia, paviedamlaje tut.by.
U paraŭnańni z papiarednimi madyfikacyjami pavialičyłasia dakładnaść paražeńnia celaŭ dziakujučy ŭstanoŭcy optyka-elektronnaj sistemy kiravańnia ahniom «Esa-72U».
Datčyki, ustanoŭlenyja na tanku, sočać za vietram, atmaśfiernym ciskam, tempieraturaj, adsočvajuć tanhaž, pazicyju pryłady i tempieraturu zarada.
Najaŭnaść ciepłavizara dazvalaje paražać celi ŭ luboje nadvorje i čas sutak na adlehłaści da 3500 mietraŭ.
Najaŭnaść dadatkovych supraćkumulatyŭnych rašotak i ekranaŭ z błokami dynamičnaj broni pavyšajuć abaronu ad ručnoha supraćtankavaha hranatamiotu i supraćtankavaj kiravalnaj rakiety ŭ 1,5-1,8 raza.
T-72BME abaronieny ad chimičnaj, bijałahičnaj zbroi, a taksama radyjoaktyŭnych rečyvaŭ.
Jašče adnoj asablivaściu tanka stała najaŭnaść dapamožnaha dyzielnaha ruchavika, jon nieabchodny dla ekanomii paliŭna-zmazačnych materyjałaŭ, a taksama kali bajavaja mašyna, naprykład, znachodzicca ŭ zasadzie. Dadatkovy ruchavik dazvalaje T-72BME krucić viežu biez zadziejničańnia asnoŭnaha siłavoha ahrehata, a taksama siłkuje bartavoje abstalavańnie. Raschod paliva pry jaho vykarystańni składaje 4-5 litraŭ na hadzinu.
Ruchavik V84MS mahutnaściu 840 k.s. dazvalaje razhaniać tank pa šašy da 70 km/h, na pierasiečanaj miascovaści chutkaść krychu nižej — 50 km/h. Zapas chodu — 650 km, z dadatkovymi bakami — 850 km.
Vodnyja pieraškody tanku taksama nie strašnyja: paśla 20-chvilinnaj padrychtoŭki T-72BME moža farsiravać raku hłybinioj piać mietraŭ. Biez padrychtoŭki bajavaja mašyna moža pieraadoleć brod hłybinioj 1,2 mietra.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary