Pra heta paviedamiła BiełTA aficyjny pradstaŭnik Śledčaha kamiteta Biełarusi Julija Hančarova.
Saviecki rajonny adździeł Śledčaha kamiteta raspačaŭ kryminalnuju spravu ab razbojnym napadzie (č. 2 art. 207 KK Biełaruś) u dačynieńni da 28-hadovaha mužčyny.
«Śledstva vyśvietliła, što kala 12.00 24 lipienia ŭ padjezd žyłoha doma zajšła 12-hadovaja dziaŭčynka i vyklikała lift. Za joj u lift zajšoŭ mužčyna, dzie hvałtoŭna zavałodaŭ jaje mabilnym telefonam i ŭciok. Dziaŭčynku na leśvičnym pralocie vyjavili baćki. Dzicia było špitalizavanaje. Akazvajecca kvalifikavanaja dapamoha, jaje žyćciu ničoha nie pahražaje, — udakładniła Julija Hančarova.
Byŭ znojdzieny śviedka, jaki bačyŭ padobnaha pa prykmietach mužčynu i aryjencirovačna pakazaŭ jaho šlach. «Akramia taho, słužbova-vyšukovy sabaka ŭziaŭ śled z kabiny lifta i pryvioŭ pravaachoŭnikaŭ da dapamožnych pamiaškańniaŭ ŽESa, dzie padazravany i byŭ znojdzieny. Až da momantu zatrymańnia jon sprabavaŭ schavać ślady złačynstva.
Pavodle papiaredniaj infarmacyi, raniej nieadnarazova sudzimy mužčyna znachodziŭsia ŭ stanie ałkaholnaha apjanieńnia, stupień ciažkaści jakoha ŭ dadzieny momant vyśviatlajecca. Vykradzieny ŭ dziaŭčynki telefon byŭ kanfiskavany ŭ zatrymanaha», — raspaviała aficyjny pradstaŭnik.
Śledčyja buduć chadajničać pierad prakuroram ab zaklučeńni padazravanaha pad vartu.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj19
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2828
Kamientary