Kiroŭcu, jaki źbiŭ buraha miadźviedzia na trasie Minsk — Mahiloŭ i źjechaŭ ź miesca DTZ, pahražaje vialiki štraf — 400 bazavych vieličyń (9200 rubloŭ) — žyvioła zaniesiena ŭ Čyrvonuju knihu Biełarusi. Da taho ž kiroŭcu pahražaje štraf za toje, što źjechaŭ ź miesca avaryi.
DTZ adbyłosia nočču ŭ Białynickim rajonie. Na miescy avaryi śledčyja nie znajšli ni škła, ni płastyku, što dazvalaje zrabić vysnovu, što źviera źbiŭ hruzavik z žaleznymi kratami.
— Naŭrad ci kiroŭca nočču chadziŭ i źbiraŭ płastyk abo škło, značyć, byŭ hruzavik typu UAZa. U impartnych vielikahruzaŭ bampier płastykavy, jaki-niebudź elemient zastaŭsia b, a tut ničoha nie znajšli. Pa charaktary paškodžańniaŭ žyvioliny vidać, što kiroŭca praciahnuŭ miadźviedzia niekalki mietraŭ, — raspavioŭ palaŭničaznaŭca Białynickaha lashasa Alaksandr Łapicki. — Niedaloka ad miesca avaryi na zapraŭcy jość kamiera videanazirańnia — mahčyma, ź jaje dapamohaj udasca znajści kiroŭcu.
Za źbitaha źviera, zaniesienaha ŭ Čyrvonuju knihu, kiroŭcu pahražaje vialiki štraf. Škoda pryrodzie acenienaja ŭ 400 bazavych vieličyń — 9200 rubloŭ (kala 4800 dalaraŭ). Darečy, stolki ž pa zakonie pryjdziecca zapłacić za źbitaha zubra. Za łasia ci alenia kiroŭcam pahražaje štraf pamieram 300 bazavych vieličyń.
Akramia hetaha, kiroŭcu pahražaje pakarańnie pa linii DAI za pakidańnie miesca DTZ: štraf ad 5 da 25 bazavych vieličyń abo pazbaŭleńnie prava kiravańnia transpartnymi srodkami terminam da 2 hadoŭ.
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»11
Kamientary