Кіроўцу, які збіў бурага мядзведзя на трасе Мінск — Магілёў і з'ехаў з месца ДТЗ, пагражае вялікі штраф — 400 базавых велічынь (9200 рублёў) — жывёла занесена ў Чырвоную кнігу Беларусі. Да таго ж кіроўцу пагражае штраф за тое, што з'ехаў з месца аварыі.
ДТЗ адбылося ноччу ў Бялыніцкім раёне. На месцы аварыі следчыя не знайшлі ні шкла, ні пластыку, што дазваляе зрабіць выснову, што звера збіў грузавік з жалезнымі кратамі.
— Наўрад ці кіроўца ноччу хадзіў і збіраў пластык або шкло, значыць, быў грузавік тыпу УАЗа. У імпартных велікагрузаў бампер пластыкавы, які-небудзь элемент застаўся б, а тут нічога не знайшлі. Па характары пашкоджанняў жывёліны відаць, што кіроўца працягнуў мядзведзя некалькі метраў, — распавёў паляўнічазнаўца Бялыніцкага лясгаса Аляксандр Лапіцкі. — Недалёка ад месца аварыі на запраўцы ёсць камера відэаназірання — магчыма, з яе дапамогай удасца знайсці кіроўцу.
За збітага звера, занесенага ў Чырвоную кнігу, кіроўцу пагражае вялікі штраф. Шкода прыродзе ацэненая ў 400 базавых велічынь — 9200 рублёў (каля 4800 даляраў). Дарэчы, столькі ж па законе прыйдзецца заплаціць за збітага зубра. За лася ці аленя кіроўцам пагражае штраф памерам 300 базавых велічынь.
Акрамя гэтага, кіроўцу пагражае пакаранне па лініі ДАІ за пакіданне месца ДТЗ: штраф ад 5 да 25 базавых велічынь або пазбаўленне права кіравання транспартнымі сродкамі тэрмінам да 2 гадоў.
Цяпер чытаюць
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію3
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары