Prezident ZŠA Donald Tramp prakamientavaŭ jadziernaje vyprabavańnie KNDR, nazvaŭšy jaje dziejańni varožymi i niebiaśpiečnymi dla ZŠA, piša RIAN.
North Korea has conducted a major Nuclear Test. Their words and actions continue to be very hostile and dangerous to the United States.....
«Paŭnočnaja Kareja praviała bujnoje jadziernaje vyprabavańnie. Ich słovy i dziejańni zastajucca varožymi i niebiaśpiečnymi dla ZŠA», - napisaŭ jon u Twitter.
Jon taksama nazvaŭ KNDR «niekiravanaj krainaj, jakaja stała vialikaj pahrozaj i kłopatam dla Kitaja, jaki sprabuje dapamahčy, ale biespaśpiachova». Na dumku Trampa, Paŭdniovaja Kareja ŭśviedamlaje, što jaje palityka zaspakajeńnia nie pracuje. «Jany razumiejuć tolki adno», - napisaŭ Tramp ab KNDR.
South Korea is finding, as I have told them, that their talk of appeasement with North Korea will not work, they only understand one thing!
Raniej u niadzielu KNDR zajaviła ab paśpiachovym vyprabavańni vadarodnaha bojezaradu, pryznačanaha dla mižkantynientalnych balistyčnych rakiet. Zahadaŭ pravieści vyprabavańni paŭnočnakarejski lidar Kim Čen Yn.
U siaredzinie žniŭnia Pchieńjan abiacaŭ vypuścić balistyčnyja rakiety ŭ rajon Huama, dzie raźmieščanyja amierykanskija avijabaza i vajenna-marskaja baza. Apošni zapusk rakiety Kim Čen Yn nazvaŭ «preludyjaj da Huama».
Donald Tramp adkazaŭ, što kali KNDR «zrobić niešta z Huamam, z Paŭnočnaj Karejaj adbudziecca takaja padzieja, jakoj jašče nichto nikoli nie bačyŭ».
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary