U «Hazprom centry» moža źmianicca jak abjom abjekta, tak i abjom inviestycyj. Pra heta siońnia na pres-kanfierencyi raskazaŭ staršynia Minharvykankama Andrej Šorac.
Pa słovach Šorca, ciapier «Hazprom» vybiraje padradčyka.
— «Hazprom» udakładniaje jak abjomy inviestycyj, tak i abjomy kompleksu. Miarkuju, sioleta ŭ nas źjavicca kankretyka. Jość dakładnaje daručeńnie kiraŭnika dziaržavy, što da 2020 hoda raboty pavinny być zavieršany. Zaraz my pracujem z «Hazpromam Biełaruś», kab vykanać hetaje daručeńnie.
Nahadajem, budaŭnictva šmatfunkcyjanalnaha kompleksu «Hazprom centr» pačałosia ŭ 2015 hodzie. Abjekt raźmieścicca na skryžavańni vulicy Filimonava i praśpiekta Niezaležnaści na płoščy 8,27 ha na miescy byłoha aŭtavakzała «Maskoŭski». Budučy kompleks budzie ŭklučać ofisy biełaruskich «dočak» «Hazproma», haścinicu, parkinh, fizkulturna-azdaraŭlenčy kompleks i miedycynski centr. Samy vysoki budynak musiŭ być 185 mietraŭ i 35 pavierchaŭ. Zakančeńnie budaŭnictva było zapłanavana na 2018 hod.
Adnak letam minułaha hoda ŭsie pracy na abjekcie stali zhortvacca, a ŭ śniežni «Hazprom transhaz Biełaruś» pačaŭ «praceduru kansiervacyi abjekta niezavieršanaha budaŭnictva». Asnoŭnaj pryčynaj prypynieńnia budaŭnictva stała skaračeńnie finansavańnia prajekta z boku «Hazproma» z-za hazavaj sprečki pamiž Biełaruśsiu i Rasijaj. Jašče adnoj pryčynaj nazyvali techničnyja prablemy, źviazanyja z vyšynnaj častkaj budynka. Hetym letam budoŭlu raskansiervavali, ale zadumalisia ab patańnieńni prajektu.
Kamientary