11 listapada, u 90-ja ŭhodki adnaŭleńnia niezaležnaści Polščy, Lech Kačynski miarkuje sabrać lideraŭ 55 krain. Pres-słužba Łukašenki: «Infarmacyjaj pra zaprašeńnie na bal nie vałodajem».
Mierapryjemstva budzie pryśviečana 90‑j hadavinie adnaŭleńnia niezaležnaści Polščy (1918) i viečarovaja častka projdzie ŭ Vialikim Teatry ŭ Varšavie.
Hazeta Rzeczpospolita cytuje słovy šefa prezydenckaha biuro zamiežnych spraŭ Maryjuša Handzika, jaki zaznačyŭ, što zaprašeńni prezydentam z roznych kantynentaŭ byli adpraŭlenyja niejki čas tamu.
Tamu siarod zaprošanych Dźmitry Miadźviedzieŭ i Michaił Saakašvili, Džordž Buš, Nikala Sarkazi.
Radyjostancyja RMF padkreślivaje, što zaprašeńni Miadźviedzievu i Saakašvili byli dasłanyja da pačatku rasiejska‑hruzinskaha kanfliktu, a 4 listapada — za tydzień da balu — stanie viadoma proźvišča novaha prezydenta ZŠA, ale Džordž Buš budzie vykonvać abaviazki prezydenta ZŠA da 20 studzienia.
Uračystaści pačnucca apoŭdni 11 listapada na Placy Piłsudzkaha, dzie adbudziecca ŭračystaja źmiena varty nad trunoj Nieviadomaha Žaŭniera.
***
Ci zaprošany na bal Łukašenka?
U pres‑słužbie prezydenta Biełarusi ničoha pra zaprašeńnie biełaruskaha lidera nia viedajuć: «Takoj infarmacyjaj my nie vałodajem», padkreślili tam.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary