11 лістапада, у 90-я ўгодкі аднаўленьня незалежнасьці Польшчы, Лех Качынскі мяркуе сабраць лідэраў 55 краін. Прэс-служба Лукашэнкі: «Інфармацыяй пра запрашэньне на баль не валодаем».
Мерапрыемства будзе прысьвечана 90‑й гадавіне аднаўленьня незалежнасьці Польшчы (1918) і вечаровая частка пройдзе ў Вялікім Тэатры ў Варшаве.
Газэта Rzeczpospolita цытуе словы шэфа прэзыдэнцкага бюро замежных спраў Марыюша Гандзіка, які зазначыў, што запрашэньні прэзыдэнтам з розных кантынэнтаў былі адпраўленыя нейкі час таму.
Таму сярод запрошаных Дзьмітры Мядзьведзеў і Міхаіл Саакашвілі, Джордж Буш, Нікаля Сарказі.
Радыёстанцыя RMF падкрэсьлівае, што запрашэньні Мядзьведзеву і Саакашвілі былі дасланыя да пачатку расейска‑грузінскага канфлікту, а 4 лістапада — за тыдзень да балю — стане вядома прозьвішча новага прэзыдэнта ЗША, але Джордж Буш будзе выконваць абавязкі прэзыдэнта ЗША да 20 студзеня.
Урачыстасьці пачнуцца апоўдні 11 лістапада на Пляцы Пілсудзкага, дзе адбудзецца ўрачыстая зьмена варты над труной Невядомага Жаўнера.
***
Ці запрошаны на баль Лукашэнка?
У прэс‑службе прэзыдэнта Беларусі нічога пра запрашэньне беларускага лідэра ня ведаюць: «Такой інфармацыяй мы не валодаем», падкрэсьлілі там.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары