Bieraściejka znajšła sposab vyratavać harbuz. Hety kieks — sapraŭdnaja znachodka
Ina Chomič vielmi smačna napisała pra svaju kulinarnuju vynachodku.
Uvohule, harbuzy — ježa dla śviniej. Ja heta dobra viedaju, bo ŭ maje abaviazki ŭ školnyja hady ŭvachodziła dastavać ź ich siemki, kab paśla babula mahła parezać harbuzy na bujnyja łusty i, ukłaŭšy ich na viadro z bulbaj, «zvarety sveniom». Pachła heta ŭsio tak sabie, ščyra kažučy.
Paśla mnie stali traplacca ludzi, jakija hatavali harbuzy nie śvińniam, a sabie. U maim razumieńni jany byli nie mienšymi vyčvarencami, čym amatary žabinych łapak.
I voś u mianie samoj na stale harbuzovy kieks. Hatuju druhuju vosień zapar, palubiła za nasyčany miadovy smak, pach śpiecyj i apielsina. Harbuz tut nie adčuvajecca, tamu mahu ź im mirycca.
Hatavać kieks možna miž inšym — heta zusim nienapružna. Harbuz treba pačyścić i parezać na kubiki, a dalej tolki skidvać usio ŭ misku. U mianie tut porcyja na 1400 hram harbuza, ale ja dam, jak u mianie ŭ recepcie, na 600 hram. Choć hatavać na 600 hram — heta tolki na adnaho čałavieka, skažu ščyra.
Nam patrebny:
- 600 hram harbuza
- 1 šklanka razynak
- 2 st.ł. miodu
- cedra adnaho apielsina
- 1 šklanka cukru
- cynamon
- vanilin
- muskatny arech
Usio treba dobra źmiašać i pastavić ci ŭ mikrachvaloŭku, ci na vadzianuju baniu na 5-10 chvilin, pakul harbuz nie puścić sok.
Paśla dadajom abo šklanku muki z razrychlalnikam, abo prosta muki i dźvie čajnyja łyžki razrychlalniku.
Vypiakać kieks treba pry tempieratury 180-200 hradusaŭ kala paŭhadziny.
Źvierchu jaho možna pasypać mukoj ci pudraj. Navat moj kot uminaje tak, što za vušami traščyć.
A jašče adna admietnaść hetaha kieksa ŭ tym, što jon zaŭsiody rozny. To suchi, jak zvyčajny kieks, to mokry, jak jabłyčny piroh. Usio zaležyć ad sortu harbuza. Smačna ŭ lubym vypadku, ale ja ŭsio-tki addaju pieravahu ćviordym sartam harbuza. Tady jon nie raspaŭzajecca, a zastajecca ŭ dalikatnych kavałačkach, jak cukaty.
Ciapier čytajuć
«Ja dumaŭ, mianie nie moža ničoha ździvić». Na fudkorcie ŭ minskim HC zrabili płatnyja stały3
Kamientary