Viciebski haradski adździeł Śledčaha kamiteta zaviaršyŭ rasśledavańnie kryminalnaj spravy ŭ dačynieńni da žychara Leninhradskaj vobłaści Rasii, jaki abvinavačvajecca ŭ ździajśnieńni złačynstvaŭ suprać pałavoj svabody, paviedamili va USK pa Viciebskaj vobłaści.
Pavodle danych śledstva, 39-hadovy mužčyna z krasavika pa žnivień 2017 hoda vioŭ pierapisku ŭ internecie ź dźviuma žycharkami Viciebska. Kali jon atrymaŭ zhodu apošnich na zaniatki prastytucyjaj za hrašovaje ŭznaharodžańnie ŭ Sankt-Pieciarburhu, prybyŭ u Viciebsk z metaj dastaŭki dziaŭčat u Rasiju. Jak paviedamlałasia, mužčyna byŭ zatrymany supracoŭnikami orhanaŭ unutranych spraŭ pry pasadcy ŭ aŭtobus Viciebsk — Sankt-Pieciarburh.
Akramia taho, vyjaŭlena, što mužčyna pa papiaredniaj zmovie z 19-hadovaj hramadziankaj Tadžykistana i inšymi asobami ŭ studzieni-lutym biahučaha hoda ažyćciaŭlaŭ anałahičnuju pierapisku ŭ internecie ź dziaŭčatami, jakija pražyvajuć u inšych rehijonach Biełarusi. Pa jaho zahaddie hramadzianka Tadžykistana ŭ lutym prybyła ŭ Homiel, dzie praviała viarbovačnyja hutarki ź dziaŭčatami. Dasiahnuŭšy damoŭlenaści pa ich vyvazie dla zaniatkaŭ prastytucyjaj, jana nabyła kvitki na ciahnik Homiel — Sankt-Pieciarburh, adnak była zatrymanaja supracoŭnikami orhanaŭ unutranych spraŭ pry pasadcy ŭ ciahnik na vakzale Homiela.
Sudom Čyhunačnaha rajona Homiela 19-hadovaja dziaŭčyna prysudžanaja da 5 hadoŭ pazbaŭleńnia voli z kanfiskacyjaj majomaści z adbyvańniem pakarańnia ŭ papraŭčaj kałonii ahulnaha režymu. «Znachodziačysia ŭ miescach pazbaŭleńnia voli, jana ŭbačyła siužet na kanale nacyjanalnaha telebačańnia pra zatrymańnie ŭ žniŭni ŭ Viciebsku mužčyny, jaki sprabavaŭ vyvieźci dziaŭčat u Sankt-Pieciarburh dla zaniatkaŭ prastytucyjaj. U zatrymanym jana paznała čałavieka, jaki adpraviŭ jaje ŭ Homiel z metaj pryvieźci dźviuch dziaŭčat», — adznačyła Śviatłana Sacharava.
Śledčyja vystavili abvinavačvańnie mužčynu pa č. 1 art. 14, č. 2 art. 171 i č. 1 art. 14, č. 2 art. 171 (zamach na arhanizacyju i vykarystańnie zaniatkaŭ prastytucyjaj inšymi asobami, spałučanyja z vyvazam za miežy dziaržavy asoby dla zaniatkaŭ prastytucyjaj, pry adsutnaści prykmiet bolš ciažkaha złačynstva, učynienyja asobaj, jakaja raniej ździejśniła złačynstva, praduhledžanaje art. 171 Kryminalnaha kodeksa) KK RB. Z momantu zatrymańnia abvinavačvany ŭtrymlivajecca pad vartaj.
Pa kryminalnaj spravie śledčymi vyjaŭlenyja i dapytanyja śviedki pa ŭsich epizodach abvinavačvańnia, atrymany charaktaryzujučyja źviestki ab abvinavačanym, vyvučanaja jaho asoba, nakładzieny aryšt na jaho majomaść (mabilnyja telefony i hrašovyja srodki) na ahulnuju sumu bolš za 1400 rubloŭ.
Papiaredniaje rasśledavańnie zavieršanaje. Materyjały kryminalnaj spravy pieradadzienyja prakuroru dla nakiravańnia ŭ sud.
Kamientary