Natchnieńnie: instahram mastački Nadzi Žaleznaj, jakaja maluje niefarmalny Minsk
Štotydzień my dzielimsia z vami tałkovymi profilami. Dla natchnieńnia i nie tolki. Kožnuju sieradu — novaja hierainia ci hieroj!
Siońnia ŭ vypusku — instahram veb-dyzajnierki i mastački Nadziei Žaleznaj.
Čarha ŭ «Makdonalds», eskałatary, budoŭla i tramvajny prypynak — u svaich skietčach Nadzieja Žaleznaja pradstaŭlaje Minsk takim, jakim my jaho bačym kožny dzień. Tut nie tolki hłamurny, vylizany i turystyčny bok horada, ale i niepryčasanyja dvoryki, pryvatny siektar.
Nadzieja vučyłasia malavać ź dziacinstva: śpiecyjalna naviedvała mastackuju škołu, ale viečnyja «zbanki, drapiroŭki i huaš» na zaniatkach pastupova adbili žadańnie zajmacca hetaj spravaj.
Nadzia viarnułasia da svajho zachapleńnia tolki paŭtara hady tamu: pačała z abstrakcyj na papiarovych kubkach padčas rabočych latučak: «Mnie vielmi spadabałasia estetyka pracesu. Toje, ź jakim hukam končyk ałoŭka dakranajecca da papiery, jak jon pakidaje na joj liniju abo kropku, u zaležnaści ad faktury i nacisku. Hetych sapraŭdnych fizičnych adčuvańniaŭ mnie vielmi nie chapała na asnoŭnaj pracy: ja zajmałasia veb-interfiejsami».
Profil @z_h_a_r_t źjaviŭsia, kab aktyŭna praktykavacca: było važna nabić ruku i pierastać bajacca reakcyj ludziej na toje, što ich niechta maluje. Nadzia kaža, što z ustanoŭkaj «znachodzić pryhožaje ŭ zvyčajnym» pa-inšamu stała hladzieć na Minsk: «U našym horadzie šmat miescaŭ, jakija chočacca namalavać, prosta treba heta ŭbačyć».
Padpisacca na instahram «Našaj Niny» možna tut.
Kamientary