Biełarus staŭ zorkaj samaha trešovaha šou rasijskaha internetu FOTY
Niekalki tydniaŭ tamu sajt nn.by užo pisaŭ ab tym, što ŭ sacyjalnaj sietcy Ukantakcie startavała realici-šou «Pabličnyja hulni». Adnym ź jaho ŭdzielnikaŭ staŭ 26-hadovy biełarus Viktar Kasaŭcaŭ.
Z taho momantu ŭ šou zastałosia ŭsiaho 14 udzielnikaŭ z 26. Chtości adzin ź ich atrymaje hałoŭny pryz, jaki składaje prykładna 50 tysiač dalaraŭ.
Čym hetaje šou adroźnivajecca ad «Doma-2» ci «Apošniaha hieroja»? Zaŭvažna mienšaj cenzuraj. U efiry možna łajacca matam, śviacić hołyja cieły. Toj ža Kasaŭcaŭ hetak zaśviaciŭsia ŭ adnym ź pieršych šou.
Udzielniki pavinny pradukavać kantent, a jakim jon budzie — užo nie tak istotna. Tranślacyja idzie amal kruhłasutkava. Ukantakcie jano maje ŭžo 40 miljonaŭ prahladaŭ. Mnohija schilnyja ličyć, što takim čynam «prabitaje dno» ŭ padobnych šou.
Biełarus Kasaŭcaŭ va ŭsim hetym bałahanie trymajecca dosyć upeŭniena. Kali spačatku jon byŭ u liku samych niepapularnych udzielnikaŭ «Pabličnych hulniaŭ», to ciapier vyjšaŭ na pieršyja roli.
Hledačy hałasujuć za ŭdzielnikaŭ prajekta tak zvanymi danatami. Dyk na dadzieny momant Kasaŭcaŭ zajmaje treciaje miesca. Jość i inšy rejtynh, jaki farmujecca niejronnaj sietkaj, kolki toj ci inšy znachodzicca ŭ kadry i stvaraje kantentu, dyk tam Kasaŭcaŭ na druhim miescy. Najsłabiejšyja ŭ hetym rejtynhu vylatajuć z prahramy.
Biełarusu ŭdałosia praśpiavać z hurtom ESTRADARADA chit apošniaha leta «Astanavicie, Vicie nada vyjci». Cikava, što pry hetym Kasaŭcaŭ byŭ u majcy ź dziaržaŭnym ściaham Biełarusi.
Dziela dziesiaci rułonaŭ tualetnaj papiery Kasaŭcaŭ usiu noč stajaŭ pierad botam, što viadzie šou. Da jaho padyšła inšaja ŭdzielnica, Viktar skazaŭ pa-rusku: «Ja kašulu naciahnu na hałavu». Pry hetym jaho spadarožnica źviarnuła ŭvahu na ciekańnie, charakternaje biełaruskaj movie. «Nacianu? Chacha, biełarus», — adreahavała jana.
U cełym u šou vielmi šmat trešu i ahalonki, ale ŭ samych «haračych» scenach Kasaŭcaŭ akurat nie zaŭvažany, jon usio ž biare kryšačku inšym epatažam. Na roznych supołkach navat stvarajucca miemy z vyjavaj Viktara i podpisam kštałtu «Tupy i jašče tupiejšy».
***
Na telehram-kanał «Našaj Nivy» možna padpisacca tut.
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary