Rabotniki «Naftana» paprasili mera Navapołacka pieranieści pačatak urokaŭ u škole
Na «pramoj linii» na AAT «Naftan» kiraŭnik Navapołacka Dźmitryj Dziamidaŭ i kiraŭniki pradpryjemstva adkazvali na pytańni rabotnikaŭ naftachimičnaha kompleksu. Adna z ahučanych prablem — čas pačatku zaniatkaŭ u škołach, piša Tut.by.
Rabotniki paprasili mera padumać pra pieranos času pačatku zaniatkaŭ u škołach na 8.30, bo mnohija ź ich jeduć na pracu da vośmaj hadziny ranicy.
Dźmitryj Dziamidaŭ adznačyŭ, što ŭ kožnaj škole čas pracy vyznačaje Rada hetaj ustanovy adukacyi.
- U kožnaj škole stvorany ranišnija dziažurnyja hrupy, u jakich piedahohi zajmajucca ź dziećmi. Viadoma, značna składaniej źmianić režym pracy na pradpryjemstvie, čym u škole. I tak jak pytańni, źviazanyja z pačatkam urokaŭ, pieryjadyčna ŭźnikajuć, my ich u harvykankamie analizujem. U vypadku nieabchodnaści parekamiendujem ustanovam adukacyi źmianić čas pačatku zaniatkaŭ, — skazaŭ kiraŭnik harvykankama.
U škołach Połacka i Navapołacka, dzie zaniatki prachodziać u adnu źmienu, uroki pačynajucca ŭ 9.00.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała12
Kamientary