Pryčynaj jość deficyt volnych srodkaŭ i pieraacenka ryzykaŭ ahresiŭnaha pašyreńnia biznesu.
Pryčynaj jość deficyt volnych srodkaŭ i pieraacenka ryzykaŭ ahresiŭnaha pašyreńnia biznesu.
Pra namiery raspačać ekspansiju na biełaruski rynak strachavych pasłuhaŭ ukrainskija kampanii zajavili jašče letaś. Tak, u žniŭni minułaha hodu ŭkrainskaja strachavaja kampanija «Ŭniversalnaja» (Lvoŭ) zajaviła pra namiery da kanca 2007 hodu nabyć kantrolnyja pakiety bujnoj strachavoj kampanii ŭ Biełarusi dy adnoj siaredniaj kampanii ŭ Małdovie.
Nazva biełaruskaj kampanii, ź jakoj vialisia pieramovy ab pahłynańni, zastałasia ŭ sakrecie, adzinaje, što było viadoma pra jaje — kampanija maje razhalinavanuju sietku ŭ Biełarusi. Jak stała viadoma, zamiežnyja plany lvoŭskaj kampanii abmiežavalisia nabyćciom nievialikaj małdaŭskaj kampanii «Ascargo», pierajmienavanuju ŭ «Universala Asigurare».
Ekanamičny kryzys prymusiŭ ukraincaŭ pierahledzieć namiery nakont pašyreńnia biznesu za košt ekspansii ŭ Biełarusi. Pryčynaj jość deficyt volnych srodkaŭ i pieraacenka ryzykaŭ ahresiŭnaha pašyreńnia biznesu. Tamu z prychodam u Biełaruś daviadziecca pačakać, kažuć va «Ŭniversalnaj».
Lvoŭskaja kampanija nie adzinaja, što vyrašyła pačakać z realizacyjaj biełaruskich planaŭ. U minułym hodzie ŭładalnik hrupy TAS Siarhiej Cihipka zajaŭlaŭ pra adpaviednyja namiery, adnak dahetul dalej za zajavy sprava nie skranułasia. Pryhladajecca da biełaruskaha strachavoha biznesu i ŭkrainski bank «Delta».
A voś rasiejcy paśpieli začapicca za Biełaruś. U studzieni 2008 hodu rasiejskaja hrupa «RIESO» nabyła 100% akcyj biełaruskaha ZAT «Strachavaja kampanija «AlVieNa». Trochi raniej u hrupu «RIESO» ŭvajšło biełaruskaje ZSAT «Broli».
Ciapier čytajuć
Z YouTube vydalili kanały BiełTA, STB i ANT. Ułady pahražajuć kontrmierami31
Kamientary