«Navat «Sputnik» nie zdoleŭ by dyskredytavać Polšču ŭ vačach biełarusaŭ bolš, čym Instytut nacyjanalnaj pamiaci»
Pašli durnoha Bohu malicca, jon sabie i łob razabje. Tak i ź pierajmienavańniem vulic u Polščy.
Dvojčy aryštavany ŭ aŭtarytarnaj Polščy i zakatavany ŭ tatalitarnym Savieckim Sajuzie Taraškievič dla «všechpalakaŭ ad nacyjanalnaj pamiaci» staŭ «sustvaralnikam tatalitarnaha režymu».
I nad Kołasam jany «pracujuć», bo Kołas taksama ad 1945 hoda byŭ členam VKP (b).
Janku Kupału pašancavała: saviety zabili jaho pierš, čym pryniać u kamunisty, tamu pytańnie pra pierajmienavańnie vulicy Kupały nie staviać.
Pierajmienavańnie vulic — heta niby znak: my ŭ 1920—30-ch ź biełarusami ŭsio rabili pravilna. I zakryćcio škoł, i ckavańnie ksiandzoŭ-biełarusaŭ za biełaruskuju movu, i pałkami pa piatkach u pastarunkach. Jak i nazyvańnie vulic u svoj čas było znakam: davajcie darujem usio adny druhim, biełarusy, i budziem siabrami.
Navat «Sputnik» nie zdoleŭ by dyskredytavać Polšču ŭ vačach biełarusaŭ bolš, čym Instytut nacyjanalnaj pamiaci ź pierajmienavańniem vulic Taraškieviča i (zdajecca, da taho dojdzie) Kołasa.
Kamientary