Udzień 20 listapada nieviadomy ŭvajšoŭ u adno z bankaŭskich adździaleńniaŭ u Mahilovie i staŭ patrabavać hrošy. Pry hetym jon pahražaŭ «pradmietam, padobnym na pistalet». Mužčynu zatrymali, paviedamiŭ TUT.BY aficyjny pradstaŭnik UUS Mahiloŭskaha abłvykankama Dźmitryj Ihnatovič.
U sacsietkach mahiloŭcy raspaviali, što ŭ rajonie vulicy Kalinoŭskaha čutnaja stralanina. Adździaleńnie banka akružyła milicyja, pobač dziažurać miedyki.
«Nieviadomy mužčyna ŭvajšoŭ u pamiaškańnie i staŭ patrabavać hrošy, pahražajučy pradmietam, padobnym da pistaleta. Unutry znachodzilisia rabotniki adździaleńnia banka, klijenty», — raspaviali ŭ milicyi.
Rabotniki banka nacisnuli tryvožnuju knopku. Na miesca nieadkładna vybyŭ narad Departamienta achovy i błakavaŭ złamyśnika ŭ pamiaškańni. Padjechali supracoŭniki AMAPu, inšych pravaachoŭnych słužbaŭ, miedyki i MNS.
— Złamyśnik padčas zatrymańnia akazaŭ uzbrojeny supraciŭ. Supracoŭniki milicyi ŭžyli tabielnuju zbroju i paranili jaho. Jon zatrymany i špitalizavany, — raspavioŭ Dźmitryj Ihnatovič.
Nichto z klijentaŭ banka i minakoŭ nie paciarpieŭ. Na miescy pracuje śledča-apieratyŭnaja hrupa.
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary