Nie 20, nie 40 i navat nie 60. Kolki dziaciej naradzili maci-rekardsmienki?
U naš čas, kali šmatdzietnaj ličycca siamja z tryma dziećmi, najaŭnaść šaści-vaśmi dziaciej usprymajecca jak štości fantastyčnaje. Miž tym kolkaść dziaciej u niekatorych maci kaliści vyličvałasia dziasiatkami. I heta nie kazki.
My ŭzhadali piać samych šmatdzietnych žančyn u historyi. I heta tolki tyja, pra jakich daviedałasia šyrokaja hramadskaść.
1. Pieršaja žonka Fiodara Vasiljeva — 69
Suśvietnaj rekardsmienkaj, pavodle Knihi rekordaŭ Hiniesa, źjaŭlajecca pieršaja žonka rasijskaha sielanina Fiodara Vasiljeva (imia jaje nie zachavałasia). Pamiž 1725-m i 1765-m hadami jana naradziła jamu ažno 69 dziaciej: 16 par dvajniat, 7 trajniat i 4 čaćviarni. Atrymlivajecca, što žančyna pieražyła kala 27 rodaŭ za 40 hod.
Akramia taho, Fiodar taksama staŭ baćkam 18 dziaciej u druhim šlubie. U jaho naradzilisia 6 par bliźniat i 2 trajniat.
Vychodzić, usiaho ŭ jaho było ažno 87 dziaciej.
2. Leancina Eśpinoza — 56
Leancina Albina Eśpinoza z Čyli naradziła svajmu mužu 56 dziaciej. Jana taksama adznačanaja ŭ Knizie rekordaŭ. Darečy, 56 — taja ličba, jakuju Leancina zmahła paćvierdzić aficyjna. Pa jaje słovach, dziaciej było značna bolš, ale dakumienty zhareli padčas pažaru.
3. Elizabet Hrynchił — 39
U Elizabet i Uiljama Hrynchiłaŭ z Anhlii, jakija žyli ŭ XVIII stahodździ, było 39 dziaciej — 7 synoŭ i 32 dački. Pryčym z usich dziaciej była tolki adna para dvajniat. A prasłaviŭ siamju Tomas Hrynchił, jaki staŭ viadomym u Łondanie chirurham.
4. Alivija Uitmar —21
U tym ža XVIII stahodździ ŭ siamji viadomaha irłandskaha pivavara Artura Hiniesa i jaho žonki Alivii Uitmar naradziłasia 21 dzicia. Troje ź ich, staŭšy darosłymi, praciahnuli spravu baćkoŭ.
Dziakujučy im i siońnia možna pakaštavać vydatnaje piva, receptura jakoha stvoranaja nie tolki talenavitym pivavaram, ale i cudoŭnym baćkam.
5. Hanna Krokier — 21
Jašče adna siamja, jakaja mieła 21 dzicia — Hanna i Hienry Krokiery z ZŠA.
Kamientary