Sud Kastryčnickaha rajona Viciebska pryhavaryŭ da 16 hadoŭ kałonii dvuch miascovych žycharoŭ za zhvałtavańnie traich małaletnich, paviedamiła TUT.BY aficyjny pradstaŭnik abłasnoha suda Natalla Płatonienka. Havorka idzie pra dvuch mužčynaŭ, jakija bolš za dva hady hvałtavali dziaciej, siarod jakich byli troje ŭnukaŭ adnaho z asudžanych.
Praces byŭ zakrytym. Abvinavačanyja — žychary Viciebska, raniej nie sudzimyja, byli kalehami pa pracy. Adnamu ź ich 53 hady, druhomu — 51.
Mužčynam inkryminavali ździajśnieńnie złačynstvaŭ pa č. 3 art. 166, č. 3 art. 167, č.1 art. 406 KK Biełarusi (Zhvałtavańnie; inšyja dziejańni seksualnaha charaktaru, učynienyja nasupierak voli paciarpiełaha i paciarpiełaj, z užyvańniem hvałtu, z vykarystańniem biezdapamožnaha stanu paciarpiełaha i paciarpiełaj, ździejśnienaje paŭtorna, asobaj, jakaja raniej učyniła zhvałtavańnie, hrupaj asob, u dačynieńni da zaviedama małaletniaha i małaletniaj; niedaniasieńnie ab dakładna viadomym učynienym asabliva ciažkim złačynstvie).
Kožny z mužčyn atrymaŭ pa 16 hadoŭ pazbaŭleńnia voli ŭ kałonii ŭzmocnienaha režymu.
Abvinavačanyja pavinny vypłacić na karyść traich paciarpiełych materyjalnuju kampiensacyju maralnaj škody ŭ sumie 3200 rubloŭ.
Prysud nie ŭstupiŭ u zakonnuju siłu.
Padrabiaznaści spravy haziecie «Na stražie» raspavioŭ staršy opierupaŭnavažany pa asabliva važnych spravach upraŭleńnia pa narkahandli i supraćdziejańni handlu ludźmi UUS Viciebskaha abłvykankama Dzianis Škurko.
Kožnyja vychodnyja dzieci pryjazdžali ŭ hości da dziaduli. Jon i jaho siabar ustupali ŭ pałavuju suviaź z małaletnimi, z adzin z adnym na vačach u ich, a taksama zdymali pornaroliki. Heta praciahvałasia bolš za 2 hady, pakul ab hetym nie daviedalisia baćki achviar. Ź dziećmi, małodšamu ź jakich 7 hadoŭ, doŭha pracavali psichołahi i śpiecyjalisty Dziaržkamiteta sudovych ekśpiertyz.
Apieratyŭniki vyśvietlili, što tavaryš «dziaduli» na pačatku 2000-ch hvałtavaŭ unučku sužycielki, a taksama susiedskich dziaciej u internacie. Svaich achviar mužčyna kožny raz ščodra častavaŭ šakaładam i cukierkami.
Abodva fihuranty zachoŭvali doma pornafilmy: na videa jany zdymali ŭsio, što rabili ź dziećmi.
— Vinu na sudzie mužčyny pryznali častkova. Adzin ź ich ličyć: toje, što jany rabili, — usiaho tolki «zabava», — paviedamiŭ Dzianis Škurko.
Ciapier čytajuć
Baćka sa Słucka paprasiŭ dziaržavu zabrać jaho dziaciej dziela adnaŭleńnia maralnych sił1
Kamientary