Kolkaść zaniataha nasielnictva ŭ jeŭrazonie składaje 156,3 miljona čałaviek, a ŭ Jeŭrasajuzie — 236,3 młn čałaviek. Heta samy vysoki ŭzrovień zaniataści jak dla jeŭrazony, tak i dla ES. Pra heta paviedamlaje sajt Jeŭrastata.
U trecim kvartale 2017 kolkaść zaniataha nasielnictva vyrasła na 0,4% u jeŭrazonie i na 0,3% u ES u paraŭnańni z papiarednim kvartałam.
U paraŭnańni z anałahičnym kvartałam minułaha hoda, zaniataść u jeŭrazonie pavialičyłasia na 1,7% i na 1,8% u ES.
Siarod dziaržaŭ-členaŭ ES, dla jakich dastupnyja dadzienyja za treci kvartał, Estonija (+1,3%), Charvatyja i Malta (1,1%) zafiksavali najbolšy rost u paraŭnańni z papiarednim kvartałam.
U toj ža čas źnižeńnie nazirałasia ŭ Litvie (-0,5%) i ŭ Polščy (-0,3%), tady jak uzrovień pracaŭładkavańnia zastaŭsia niaźmiennym ŭ Rumynii i Vialikabrytanii.
Kamientary