Hałoŭny redaktar sajta «Chartyja'97» Natalla Radzina niehatyŭna ŭspryniała rašeńnie sajta «Biełaruski partyzan» paśla błakavańnia zarehistravacca ŭ zonie.by.
Jana zapeŭnivaje, što viartańnie jak partała ŭ Biełaruś niemahčymaje.
Radzina tłumačyć, što pierarehistracyja «Biełaruskaha partyzana» nie admianiaje fakt błakavańnia ŭładami niepažadanych internet-resursaŭ. Taksama zastajecca ŭ sile kankretnaje rašeńnie Ministerstva infarmacyi, datyčnaje «Biełaruskaha partyzana».
«Reakcyja mnohich na rašeńnie sajta była takoj: «Partyzan zdaŭsia ŭ pałon». I, sapraŭdy, praca ŭ zonie.by siońnia dla miedyja aznačaje jašče bolšyja abmiežavańni i tatalny kantrol, — padsumoŭvaje jana. — Kalehi z «Biełaruskaha partyzana» stvaryli niebiaśpiečny precedent: pakazali svaim prykładam, što ŭ vypadku napadu treba zamiest baraćby chutka zdacca — voś ža, acaleješ».
Kamientary