Žančyna, jakuju ranicaj 20 studzienia znajšli na darozie kala vioski Baranava Połackaha rajona z prykmietami najezdu i ŭ aholenym vyhladzie, znachodzicca ŭ reanimacyi. Pravaachoŭniki ŭstanavili jaje asobu - heta 40-hadovaja biespracoŭnaja navapałačanka. U jaje kryvi znajšli ałkahol. Ale čamu jana była biez adzieńnia, pakul nieviadoma: paciarpiełaja, pa acency miedykaŭ, u stabilna ciažkim stanie.
— Žančyna atrymała ciažkija cialesnyja paškodžańni — u pryvatnaści, čerapna-mazhavuju traŭmu i pierałomy. U jaje kryvi vyjavili ałkahol. MAZ kanfiskavali dla praviadzieńnia ekśpiertyzy i śledčaha ekśpierymientu, — paviedamiła TUT.BY aficyjny pradstaŭnik USK pa rehijonie Śviatłana Sacharava.
Zaviedziena kryminalnaja sprava za parušeńnie PDR, što paciahnuła pa nieaściarožnaści pryčynieńnie ciažkaha cialesnaha paškodžańnia.
— U chodzie rasśledavańnia śledčyja ŭ liku inšaha vyśviatlać, čamu žančyna apynułasia na darozie ŭ aholenym vyhladzie, - dadała Śviatłana Sacharava.
Nahadajem, ranicaj 20 studzienia ŭ milicyju źviarnuŭsia kiroŭca śniehaŭboračnaj mašyny. Jon raspavioŭ, što kala vioski Baranava znajšoŭ aholenuju žančynu z prykmietami najezdu.
Z dapamohaj sistemy videanazirańnia na sielskaj kramie i inšych dziejańniaŭ supracoŭniki DAI apieratyŭna vyznačyli i zatrymali kiroŭcu mašyny, jaki padazrajecca ŭ ździajśnieńni DTZ. Heta 44-hadovy kiroŭca MAZa z paŭpryčepam adnaho ź miascovych sielhaspradpryjemstvaŭ, žychar Vierchniadźvinska.
Svaju vinu mužčyna pryznaŭ. Jon rastłumačyŭ DAI, što žančyna pierachodziła darohu ŭ nienaležnym miescy, a ź miesca zdareńnia jon źje'chaŭ, bo spałochaŭsia. Kiroŭca byŭ ćviarozy.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary