Pradstaŭnik AHP Dźmitryj Kavałhin bałatujecca pa Kupryjanaŭskaj akruzie №21 u Minsku. U svaim fejsbuku Dźmitryj vykłaŭ źviestki, pavodle jakich jon upeŭniena pieramahaje pa ŭčastku №6 u asnoŭny dzień hałasavańnia.
Za Kavałhina na hetym učastku 18 lutaha prahałasavała 194 čałavieki, a za kandydata ad ułady, dyrektara «Biełdziaržstrachu» Siarhieja Jakubickaha — 72 hałasy.
Adnak razam z daterminovym hałasavańniem Jakubicki nibyta atrymaŭ 711 hałasoŭ, a Kavałhin usiaho tolki 269.
Pa słovach Kavałhina, z padliku hałasoŭ było vydalena až try jahonyja naziralniki. Adnaho ź ich advieźli ŭ RUUS.
* * *
18 lutaha ŭ Biełarusi adbylisia vybary deputataŭ miascovych savietaŭ. Pavodle padlikaŭ CVK, na ŭčastki pryjšło 77% vybarcaŭ. 35% čałaviek prahałasavała daterminova.
Naziralniki fiksavali šalonyja nakrutki daterminovaj jaŭki. Dajšło da taho, što na ŭčastku ŭ «Studenckaj vioscy» Biełdziaržuniviersiteta daterminova prahałasavali 96,4%.
Była vykrytaja tak zvanaja «schiema 000-179»: niekatoryja ludzi, u jakich u pašparty byŭ upisany śpiecyjalny kod, mahli niezakonna hałasavać na roznych učastkach.
Jak i na ŭsich papiarednich hałasavańniach, u vybarčyja kamisii nie ŭklučyli amal nikoha ad apazicyi, a niezaležnym naziralnikam nie davali sačyć za padlikam hałasoŭ.
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje88
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje8
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary