Studentka raskleiła va ŭniviersitecie płakaty z seksisckimi cytatami vykładčykaŭ FOTY
Mahistrantka fakulteta mižnarodnych adnosin Sankt-Pieciarburhskaha dziaržaŭnaha ŭniviersiteta vyrašyła pakazać vykładčykam, jak ich vykazvańni vyhladajuć na papiery.
Sami płakaty z cytatami pravisieli ŭsiaho pałovu dnia, zatoje ich fotazdymki raźlacielisia vielmi šyroka.
Aŭtarka pierformansu Julija raspaviała TJ, što reakcyja vykładčykaŭ była niehatyŭnaj, ale pry hetym jany byli «ŭschvalavanyja i navat napałochanyja». Studentka taksama dadała, što nie chacieła naškodzić ich karjery: «Ja prosta chaču, kab vykładčyki stavilisia da ŭsich svaich studentaŭ adnolkava i nie bačyli ŭ nas zvykłyja stereatypy».
Mahistrantka adznačyła, što i reakcyja samich studentaŭ taksama była nieadnaznačnaj. Kali dziaŭčaty padtrymali akcyju, to chłopcy «nie ŭbačyli ŭ vykazvańniach seksizmu i paličyli ich biaskryŭdnymi žartami».
Dla Julii dziŭna, što niechta nie razumieje siłu, jakuju mohuć mieć čužyja słovy, asabliva pramoŭlenyja ŭ adukacyjnaj ustanovie.
«Ja nie chaču hańbić imia svajho fakulteta, u nas šmat bliskučych vykładčykaŭ, ja šmat čamu tut navučyłasia. Ale ja liču, što naš fakultet — prykład prajavy seksizmu nie tolki ŭ vyšejšaj adukacyi, ale i ŭ palitycy», — adznačyła dziaŭčyna.
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki7
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary