Prezident ZŠA Donald Tramp rychtujecca vysłać z krainy dziasiatki rasijskich dypłamataŭ u adkaz na atručvańnie ŭ Vialikabrytanii byłoha supracoŭnika HRU, jaki pracavaŭ na brytanskuju raźviedku, Siarhieja Skrypala. Pra heta paviedamlaje Bloomberg sa spasyłkaj na krynicy, znajomyja ź situacyjaj.
Pavodle infarmacyi ahienctva, Tramp pahadziŭsia z rekamiendacyjaj daradcaŭ, rašeńnie ab vysyłcy, chutčej za ŭsio, budzie abvieščana ŭ paniadziełak.
Surazmoŭcy padkreślili, što rašeńnie Trampa pakul nie kančatkovaje. Prezident ZŠA hatovy dziejničać, ale pierš choča być upeŭnieny, što jeŭrapiejskija sajuźniki raspačnuć anałahičnyja kroki suprać Rasii, ŭdakładniajuć surazmoŭcy.
Pres-sakratar Biełaha doma admoviŭsia ad kamientaroŭ, dadaje Bloomberg.
Namieśnik pres-sakratara Biełaha doma Radž Šach zajaviŭ Bloomberg, što «Złučanyja Štaty rašuča padtrymlivajuć Vialikabrytaniju, asudžajučy aburalnyja dziejańni Rasii». «Prezident zaŭsiody razhladaje mahčymaść pryciahnieńnia Rasii da adkaznaści ŭ adkaz na jaje złamysnyja dziejańni. Na dadzieny momant u nas niama zajavaŭ», — skazaŭ jon.
Kamientary