Прэзідэнт ЗША Дональд Трамп рыхтуецца выслаць з краіны дзясяткі расійскіх дыпламатаў у адказ на атручванне ў Вялікабрытаніі былога супрацоўніка ГРУ, які працаваў на брытанскую разведку, Сяргея Скрыпаля. Пра гэта паведамляе Bloomberg са спасылкай на крыніцы, знаёмыя з сітуацыяй.
Паводле інфармацыі агенцтва, Трамп пагадзіўся з рэкамендацыяй дарадцаў, рашэнне аб высылцы, хутчэй за ўсё, будзе абвешчана ў панядзелак.
Суразмоўцы падкрэслілі, што рашэнне Трампа пакуль не канчатковае. Прэзідэнт ЗША гатовы дзейнічаць, але перш хоча быць упэўнены, што еўрапейскія саюзнікі распачнуць аналагічныя крокі супраць Расіі, ўдакладняюць суразмоўцы.
Прэс-сакратар Белага дома адмовіўся ад каментароў, дадае Bloomberg.
Намеснік прэс-сакратара Белага дома Радж Шах заявіў Bloomberg, што «Злучаныя Штаты рашуча падтрымліваюць Вялікабрытанію, асуджаючы абуральныя дзеянні Расіі». «Прэзідэнт заўсёды разглядае магчымасць прыцягнення Расіі да адказнасці ў адказ на яе зламысныя дзеянні. На дадзены момант у нас няма заяваў», — сказаў ён.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары