Padčas vybaraŭ prezidenta Rasii 18 sakavika ŭ rasijskim horadzie Kiemierava vybarščykaŭ na ŭčastki pryvablivali biaspłatnymi kuponami na roznyja mierapryjemstvy. Častku kuponaŭ možna było vykarystoŭvać u HC «Zimovaja višnia», u jakim praz tydzień paśla vybaraŭ zdaryŭsia trahičny pažar, paviedamlaje inforesist.org.
Tak, žurnalistam radyjo «Business FM» udałosia pahutaryć z naviedvalnicaj handlovaha centra Natallaj Siarohinaj. U dzień pažaru žančyna pryjšła ŭ handlovy centr u kantaktny zaapark z dvuma dziećmi. Źnižkavyja kupon va ŭstanovu jana atrymała na ŭčastku ŭ dzień vybaraŭ prezidenta Rasii 18 sakavika.
— Kažuć, što vydavali biaspłatnyja kvitki mienavita na hety dzień na vybarach 18-ha sakavika. Sapraŭdy takoje było?
— Voś my ŭziali ŭ zaapark, byŭ biaspłatny bilet dziciaci da dziesiaci hadoŭ. I byli kupony dla darosłaha sa źnižkaj.
— Vy hetyja kupony jakraz na vybarach i atrymali.
— Tak.
Praź niekalki chvilin paśla publikacyi naviny, redaktary sajta radyjostancyi vydalili hety frahmient intervju. Adnak archiŭ naviny zastaŭsia.
Hety dyjałoh apublikavaŭ i hienieratar «Rambler Naviny», ale taksama praź niekatory čas vydaliŭ jaho.
U pošuku Google zastałasia ŭzhadka cytaty naviedvalnicy HC.
Infarmacyja pra źnižkavyja kupony, jakija razdavali ŭ dzień vybaraŭ na vybarčych učastkach u Kiemieravie, jość i na miascovych resursach.
«Kiemieraŭcam budzie ŭručana bolš za 17 tysiač zaprašalnych biletaŭ u muziei i teatry, fiłarmoniju, kinateatry i spartyŭnyja ŭstanovy, paviedamili ŭ meryi. Akramia taho, źnižkavy tałony, kupony i kvitki vybarščykam padorać moładzievyja kłuby, fitnes-centry, handlovyja sietki, cyrulni, kaśmietyčnyja sałony, aŭtazapraŭki, chimčystki, kantaktnyja zaaparki «Vovkin dvor» i «Riebiatam o źvieriatach» (znachodziŭsia ŭ źniščanym ahniom HC — red), batutny centr «Jumper» i inšyja», — piša sajt kuzzbas.ru.
Nahadajem, pažar u handlovym centry «Zimovaja višnia» ŭ Kiemieravie ŭspychnuŭ ŭ niadzielu, 25 sakavika. Ahoń pačaŭ raspaŭsiudžvacca na čaćviortym paviersie, dzie raźmieščany dziciačy zabaŭlalny centr, katok i try zały kinateatra.
U momant uzharańnia ŭ budynku nie spracavała pažarnaja sihnalizacyja, z-za čaho nie była praviedziena arhanizavanaja evakuacyja naviedvalnikaŭ i supracoŭnikaŭ. Pa papiarednich dadzienych, u pažary zahinuła 64 čałavieki, siarod ich mnostva dziaciej. Paciarpieła bolš za 40 čałaviek, dziasiatki ličacca źnikłymi bieź viestak.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary