Pamočnica pradziusara sieryjała «Marka Poła» Alaksandra Kanosa padała pazoŭ suprać pradziusara Charvi Vajnštejna, u jakim jana abvinavačvaje jaho ŭ zhvałtavańni, fizičnym hvałcie i abrazie. Adpaviednyja dakumienty byli padadzienyja ŭ sud u Manchetenie, pieradaje CNN.
Jak adznačajecca ŭ paviedamleńni, Kanosa śćviardžaje, što hetyja dziejańni Vajnštejn ździajśniaŭ ciaham piaci hadoŭ. Jana skazała, što jon «uvieś čas pahražaŭ joj» i «davaŭ zrazumieć, što kali jana nie padparadkujecca jaho žadańniu mieć seksualny kantakt ci ž kali jana raskaža ab jaho pavodzinach, to buduć nastupstvy, u tym liku abrazu, zvalnieńnie, a taksama pazbaŭleńnie jaje mahčymaści pracavać u šou-biznesie».
Kanosa śćviardžaje, što Vajnštejn prymušaŭ jaje da seksu niekalki razoŭ pamiž 2010 i 2015 hadami. Pavodle jaje słoŭ, adzin taki vypadak adbyŭsia ŭ hateli ŭ Ńju-Jorku. Akramia taho, pamočnica pradziusara zajaviła, što ŭ Łos-Andželesie jon «prymušaŭ jaje da seksu, abražaŭ, ździekavaŭsia i niekalki razoŭ zapałochvaŭ». Taksama jana śćviardžaje, što ŭ Małajzii Vajnštejn jaje zhvałtavaŭ.
Kampanija Vajnštejna pradziusavała sieryjał «Mark Poła», jaki vyjšaŭ na ekrany ŭ 2014 hodzie.
Advakat pradziusara raspavioŭ, što Kanosa pracavała na Weinstein Company na praciahu dziesiaci hadoŭ, časta jeździła ŭ kamandziroŭki i zajmałasia šmatlikimi prajektami kampanii. Pavodle jaho słoŭ, hetyja abvinavačańni «nie tolki šakavali Vajnštejna, ale i mocna zasmucili, a taksama nie paćviardžajucca faktami»
Kamientary