«Reał Unijon» - «Reał» Madryd - 3:2. Paŭabaronca madrydzkaha klubu Ruben de la Red na 13-j chvilinie sustrečy straciŭ prytomnaść i ačuniaŭ tolki praź dźvie chviliny.
U čaćvier u matčy 1/16 finału karaleŭskaha Kubku madrydzki «Reał» prajhraŭ u haściach «Reału Unijonu» ź Irunu - 2:3.
Heta kamanda vystupaje ŭ «Sehunda B» — trecim hišpanskim dyvizijonie. «Reał Unijon» zajmaje ŭ svajoj hrupie pieršaje miesca i maje niakiepskija šancy vyjści ŭ druhi dyvizijon.
Baski ŭžo na 2‑j chvilinie adkryli lik — zabiŭ Chuan Daminhies, na 9‑j chvilinie arhientynski lehijanier kastylcaŭ Hansała Ihuain zraŭniaŭ lik.
Na 20‑j chvilinie toj samy Daminhies vyvieŭ «Reał Unijon» napierad, a na 53‑j jašče adzin arhientyniec madrydcaŭ Chaŭjer Savijoła znoŭ lik zraŭniaŭ.
Pieramožnuju kropku na 63‑j chvilinie pastaviŭ Ińjaki Hajkaečea Bierystajn — 3:2.
Madrydzki «Reał» vystupaŭ ŭ nie najmacniejšym składzie: Ježy Dudek, Mičeł Salhada, Metcelder, Chajnce, Huci, Drente, Marseła, Dyjarra (Snajder, 74), De la Red (Chavi Harsija, 19), Savijoła, Ihuain (Buena, 93).
Darečy, paŭabaronca madrydzkaha klubu Ruben de la Red na 13-chvilinie sustrečy straciŭ prytomnaść i ačuniaŭ tolki praź dźvie chviliny paśla ŭmiašalnictva daktaroŭ. Vykazvajecca, zdahadka, što ŭ jaho mocna padskočyŭ cisk.
Matč u adkaz projdzie na «Sanćjaha Bernabeŭ» 12 listapada.
***
Nahadajem, što madrydzki «Reał» — supiernik BATE pa hrupavym turniry Lihi čempijonaŭ.Matč BATE — «Reał» projdzie 25 listapada na mienskim stadyjonie «Dynama». U Madrydzie 17 vieraśnia BATE sastupiła — 0:2.
2 listapada «Reał» u tury čempijanatu Hišpanii zhulaje ŭ haściach z «Almeryjaj».
Ciapier čytajuć
Kačanava prapanavała ŭvieści adkaznaść za «niapraŭdu ŭ tyktoku»11
Kamientary