U śviecie abahravalnikaŭ heta ajfon. Na im možna navat sušyć hryby ci padahravać šašłyki! FOTY
U samy razhar leta mała chto dumaje pra vosieńskija chałady. A darma. Kab vosień była ciopłaj, zusim nieabaviazkova spadziavacca na niabiesnuju kancylaryju. Dastatkova pakłapacicca pra toje, kab u domie źjaviŭsia pravilny infračyrvony abahravalnik CeramoHeat.
Navošta infračyrvony?
Infračyrvonyja abahravalniki majuć taki dyjapazon vypramieńvańnia, što hrejuć nie pavietra vakoł ich, a pradmiety, jakija, u svaju čarhu, pieradajuć ciapło pavietru. Mienavita tamu ŭ chałodnym pakoi pieravaha infračyrvonaha abahravalnika vidavočnaja: najpierš jon sahreje vas i ŭsie rečy, jakija znachodziacca pobač, a ŭžo paśla ad pradmietaŭ nahrejecca i pavietra.
Vychodzić, što tempieratura pavietra zastajecca nižejšaj za tempieraturu ścien u pakoi. U vyniku kandensacyja vilhaci z pavietra na ścienach nie adbyvajecca i rezka lepšaje ich ciepłaizalacyja.
Što značyć «pravilny» abahravalnik?
Pa-pieršaje, jon pavinien być ekanamičnym. Takim, kab u kancy miesiaca nie stanaviłasia horača ad rachunka za elektryčnaść.
Paśla dasiahnieńnia tempieratury 85oS infračyrvonyja abahravalniki CeramoHeat nie spažyvajuć elektraenierhiju, a vypramieńvajuć ciapło, što nazapasiłasia ŭ rečyvie, ź jakoha jany zroblenyja. Heta dazvalaje ŭ try razy źnizić spažyvańnie elektraenierhii: mahutnaść abahravalnikaŭ varjujecca ad 175 Vt da 700 Vt.
Pa-druhoje, pryłada musić być ekałahičnaj. Dyrektar pradpryjemstva «ChitMarkiet», adzinaha vytvorcy infračyrvonych kieramahranitnych abahravalnikaŭ u Biełarusi, Alaksandr Špileŭski kaža, što ŭ vyrabie vykarystoŭvajucca vyklučna ekałahičnyja materyjały, jakija nie ŭtrymlivajuć nijakich atrutnych ci nienaturalnych kampanientaŭ.
Unutry abahravalnika — vuhlepravodny materyjał, praź jaki idzie tok. Za košt vysokaha supraciŭleńnia materyjał nahravajecca, ciapło roŭna raźmiarkoŭvajecca pa plicie CeramoHeat i pieratvarajecca ŭ infračyrvonaje vypramieńvańnie (da 80%). Astatniaje ciapło (kala 20%) pieradajecca kanviekcyjnym šlacham.
Vuhlepravodnaja stužka źniešnie padobnaja na zvyčajnuju viaroŭku.
«Ale jana ŭ 5 razoŭ bolš tryvałaja za stalny tros. Robiać jaje ŭ Śvietłahorsku. Materyjał ekałahičny i vielmi mocny. My možam jaho padpalvać adkrytym ahniom, ź im ničoha nie zrobicca, bo termatryvałaść takoj stužki — 3000oS. Jana nie raspłavicca, nie zharyć, nie budzie kapcić. Materyjał nie vypramieńvaje škodnych dla čałavieka chvalaŭ», — zaŭvažaje načalnik vytvorčaści Valancin Zacharčanka.
U adroźnieńnie ad inšych abahravalnikaŭ, CeramoHeat nie sušyć pavietra. Jon biasšumny i pažarabiaśpiečny. U jaho niama adkrytych vysokatempieraturnych častak i, akramia taho, unutr ubudavany datčyk, jaki aŭtamatyčna vyklučyć prybor, kali tempieratura pavierchni dasiahnie 85oS.
«Abahravalnik całkam vyrableny z materyjałaŭ, jakija nie harać, tamu možna choć sušyć bializnu na im, choć kłaści jaho pad łožak i vykarystoŭvać zamiest hrełki», — dadaje Alaksandr.
Kali kazać pra plusy infračyrvonaha abahravalnika CeramoHeat, to možna nazvać i jaho ŭniviersalnaść.
Pryładu možna vykarystoŭvać jak dla dadatkovaha abahrevu pamiaškańnia, tak i dla asnoŭnaha. Pry hetym abahravalnik lohka mancirujecca, heta nie zajmaje šmat času: prybor možna prosta pastavić na śpiecyjalnuju padstaŭku ci prymacavać da ściany.
Akramia taho, abahravalnik možna vykarystoŭvać u tym liku nie zusim pa pramym pryznačeńni.
«Kali jon ustalavany na kuchni, to na im možna sušyć hryby, sadavinu, jahady. Niejak adzin naš klijent, jaki abstalavaŭ abahravalnikami ŭvieś dom, pryjechaŭ kupić jašče adzin. Pytajemsia: našto? Kaža, prymacuje jamu koły i budzie ranicaj uzimku zahaniać pad dyzielnuju mašynu, kab u maroz jaje možna było adahreć i biez prablem zavieści, — raspaviadaje Alaksandr.
— Jašče adzin klijent nabyŭ abahravalnik i ŭmacavaŭ jaho ŭ stolik altanki na leciščy. Kaža, što, pa-pieršaje, kali viačeraješ u altancy chałodnym viečaram, abahravalnik hreje nohi. A pa-druhoje, šašłyk i inšyja stravy, jakija stajać na stale, doŭha nie astyvajuć».
Abahravalnik takoha typu padydzie i dla dziciačaha pakoja, bo akramia taho, što jon pracuje biazhučna, jaho jašče lohka myć.
Haspadaroŭ, jakija zrabili pryhožy ramont u pakoi, moža chvalavać pytańnie, jak ža abahravalnik upišacca ŭ interjer.
Vielmi prosta! Kožny haspadar moža abrać malunak na svoj hust: vyjava Džakondy, piejzaž, naciurmort — nie prablema. Na vaš abahravalnik naniasuć luby prynt.
Infračyrvony abahravalnik CeramoHeat — heta prastakutnaja panel taŭščynioj usiaho 2 sm. Vyrablajuć ich čatyroch pamieraŭ. Pryłada 60Ch120 sm moža abahreć pakoj u 20 m2. Akramia hetaha, jość abahravalniki pamieram 60Ch60 sm, 20Ch120 sm, 30Ch60 sm. Jak varyjant, z abahravalnikaŭ mienšych pamieraŭ možna skłaści cikavuju kampazicyju.
CeramoHeat žycharami doma ŭsprymajecca chutčej jak elemient dyzajnu: nichto nie budzie ab jaho spatykacca i niama patreby šukać miesca ŭ kładoŭcy, łamać hałavu, kudy schavać pryładu na leta.
Karystacca pryboram možna ciaham 35 hod, pryčym 5 ź ich — na harantyi.
«Jość u našych abahravalnikaŭ i adzin niedachop. Jany ciažkija. Samy vialiki važyć 36 kiłahramaŭ. Ale razam z tym, heta i plus. Abahravalnik doŭha astyvaje, tamu ŭ vašym domie zaŭsiody budzie ciopła, jak ad soniejka», — padsumoŭvaje Alaksandr.
CeramoHeat možna nabyć u 17 kramach. Abahravalniki majuć zaklučeńnie Respublikanskaha centra hihijeny, epidemijałohii i hramadskaha zdaroŭja i siertyfikat Mytnaha sajuza, jakija paćviardžajuć ich biaśpiečnaść.
CeramoHeat u interjery
Zamović infračyrvony abahravalnik
UNP 691827922
Kamientary