Supracoŭniki Mazyrskaha RAUS znajšli miascovaha žychara, jaki padazrajecca ŭ žorstkim abychodžańni z žyviołaj, piša Radyjo Svaboda.
Napiaredadni ŭ milicyju źviarnułasia žycharka rajcentra, jakaja źjaŭlajecca pradstaŭnikom miascovych abaroncaŭ žyvioł. Jana paviedamiła, što ŭ Mazyry moža pražyvać čałaviek, jaki maje dačynieńnie da stvareńnia videarolikaŭ u internecie ab žorstkim abychodžańni z žyviołami.
Raniej rasiejskija kalehi paviedamili mazyrskim abaroncam žyvioł ab tym, što vykryli ŭ biełaruskim horadzie žyvadziora, jaki palivaŭ kacianiat kipniem i rasčlaniaŭ ich. Katavańnie žyvioł mužčyna zdymaŭ na videa i vykładaŭ u internecie.
Padčas praviadzieńnia aperatyŭna-pošukavych mierapryjemstvaŭ supracoŭniki milicyi znajšli mahčymaha skurałupa — heta raniej sudzimy 27-hadovy žychar rajcentra. Jaho padazrajuć u žorstkim abychodžańni z žyviołaj, paviedamiŭ aficyjny pradstaŭnik Homielskaha UUS Juryj Pilkievič.
U milicyi dadali, što Śledčy kamitet užo zavioŭ u dačynieńni da padazravanaha kryminalnuju spravu pa č.1 art. 339/1 Kryminalnaha kodeksa Biełarusi («Žorstkaje abychodžańnie z žyviołaj»). Pavodle artykuła, sud moža pakarać vinavataha hramadzkimi pracami, abo štrafam, abo papraŭčymi pracami na termin da adnaho hoda, abo aryštam.
Ad niadaŭniaha času pravy žyviołaŭ taksama rehulujucca asobnymi artykułami Administracyjnaha i Kryminalnaha kodeksaŭ Respubliki Biełaruś. Pieršy praduhledžvaje pakarańnie ŭ vyhladzie papiaredžańnia abo štrafu, druhi — aryštu.
Kryminalnaja adkaznaść za žorstkaje abychodžańnie z žyviołami nabyła siłu ŭ 2015 hodzie i rehulujecca artykułam 339.1 KK. Tady ž supracoŭniki milicyi atrymali prava składać pratakoły i pryciahvać da adkaznaści. Padstava — čałaviek ździekujecca z žyvioły naŭmysna i z padkreślenaj žorstkaściu.
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary