Žurnalistcy Volzie Čajčyc i apierataru Andrusiu Koziełu, jakija supracoŭničajuć z «Biełsatam», abmiežavali vyjezd z krainy, paviedamlajecca na sajcie telekanała.
Na nastupnym tydni ŭ žurnalistki zapłanavanyja sustrečy ŭ Paryžy ŭ Mižnarodnaj fiederacyi žurnalistaŭ z pradstaŭnikami arhanizacyi «Reparciory bieź miežaŭ», z deputatami i inš. Paźniej Volha Čajčyc płanavała nakiravacca na sustrečy ŭ Brusiel — u Jeŭraparłamient i ŭ Jeŭrakamisiju — kab raspavieści pra situacyju ź miedyjami ŭ Biełarusi. Žurnalistka miarkuje, što heta sapraŭdnaja pryčyna zabarony na vyjezd.
Siońnia sudovaja vykanaŭca Jana Vasiuk vyklikała Volhu Čajčyc i Andrusia Kozieła, paviedamiŭšy, što im abmiežavali vyjezd z krainy.
Žurnalisty pakazali joj kvitancyi ab apłacie ŭsich štrafaŭ, na što im adkazali, što niemahčyma pravieryć, ci ŭsia suma spłačanaja — bo «nie pracuje baza». Sudovaja vykanaŭca taksama paprasiła pryvieźci ŭsie kvitancyi ab apłacie štrafaŭ za minuły hod. Pry hetym źniać abmiežavańnie na vyjezd možna budzie nie raniej, kali zapracuje baza, a kali heta adbudziecca — nieviadoma.
Učora Volha Čajčyc daviedałasia pra čarhovy štraf. 10 vieraśnia sudździa Dziaržynskaha rajonnaha sudu pastanaviła spahnać z žurnalistki 980 rubloŭ za fotarepartaž ź pikietu abaroncaŭ Kurapataŭ kala restaracyi «Pajedziem pajadzim».
Hety štraf staŭ dla Volhi Čajčyc dziasiatym za sioleta, a ich ahulnaja suma dasiahnuła ŭžo 8330 rubloŭ — i praciahvaje raści. Adrazu paśla infarmacyi pra štraf Čajčyc daviedałasia, što słonimskaja milicyja skłała na jaje pratakoł pavodle artykułu 22.9 KoAP.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran
Kamientary