Kiraŭnik dziaržavy Alaksandr Łukašenka 25 vieraśnia pryniaŭ z dakładam kiraŭnika spraŭ prezidenta Biełarusi Viktara Šejmana. Pra heta BiełTA raskazali ŭ pres-słužbie kiraŭnika dziaržavy.
Łukašenka byŭ prainfarmavany pra vizit Viktara Šejmana ŭ Respubliku Zimbabve. Padčas pajezdki prajšli pieramovy z prezidentam Emiersanam Mnanhahva, staršynioj Reziervovaha banka, a taksama viadučymi ministrami, jakija kuryrujuć śfiery zamiežnych spravaŭ i mižnarodnaha handlu, hornaj zdabyčy i raźvićcia zdabyŭnoj haliny, sielskaj haspadarki, transpartu i raźvićcia infrastruktury.
Dasiahnuty pahadnieńni ab stvareńni pradpryjemstvaŭ, prapracoŭcy pytańniaŭ u halinie sumiesnaha raźvićcia infrastruktury, budaŭnictva čyhunačnych, aŭtamabilnych daroh, stvareńnia łahistyčnych centraŭ. Pryniata rašeńnie ab stvareńni rabočaj hrupy pa adpaviednych napramkach.
Akramia taho, padčas pajezdki padpisanyja kantrakty na pastaŭki lesanarychtoŭčaj, darožna-budaŭničaj, hruzavoj techniki na 60 młn dalaraŭ.
Na rabočaj sustrečy z Łukašenkam razmova taksama išła ab novych pierśpiektyŭnych napramkach raboty Upraŭleńnia spravami na terytoryi Biełarusi. Heta datyčycca pierapracoŭki i vytvorčaści sielhaspradukcyi, śfiery infarmacyjnych technałohij.

Kamientary