Aparat, jaki kapaje mietro, zachras kala padziemnaha schovišča Nacbanka
Ź lutaha 2016 hoda pry budaŭnictvie treciaj linii mietro rabočyja vykarystoŭvajuć miechanizavany ščyt masaj 550 ton i daŭžynioj 70 mietraŭ. Francuzski aparat koštam 11 miljonaŭ jeŭra zdolny prabivać tunel dyjamietram šeść mietraŭ, pry hetym aparat adrazu manciruje vakoł siabie tunelnyja ścieny. Pa tradycyi takim ahrehatam dajuć žanočyja imiony, hety ščyt nazvali «Alesia», paviedamlaje «Komsomolskaja pravda».
Alesia prarubiła dva doŭhija tuneli ad stancyi «Vakzalnaja» praz «Płošču Bahuševiča» da «Jubilejnaj płoščy», a 10 maja hetaha hoda «nyrnuła» ŭ inšy bok — kapać tunel ad «Vakzalnaj» da «Kavalskaj słabady». Spačatku ŭsio było dobra: za paŭtara miesiaca Alesia prajšła 200 mietraŭ tunela.
Ale potym niešta pajšło nie tak. Ź siaredziny leta pra pracu ščyta ničoha nie było čuvać. Pieršyja paviedamleńni na profilnych forumach źjavilisia ŭ pačatku vieraśnia: «Alesia» staić amal usio leta, prajści atrymałasia ŭsiaho 300 mietraŭ.
— Ščyt «Alesia» z červienia biez ruchu, na niešta ćviordaje natknuŭsia, złamalisia vały, — napisaŭ adzin z karystalnikaŭ. — Pastavili novyja — taksama złamalisia. Francuzskija śpiecyjalisty skazali, što mašyna ni pry čym, jana spraŭnaja. Treba rabić raskop źvierchu i hladzieć, na što natknuŭsia ščyt. Ale źvierchu znachodzicca žyły dom, jaki nichto nie adsialaŭ! Ščyt zachras praktyčna pad im na hłybini 11 mietraŭ, tamu jaho adsunuć nielha, «Alesia» moža ruchacca tolki napierad.
Krynicy «Kamsamolskaj praŭdy» paćvierdzili infarmacyju pra toje, što Alesia spyniłasia.
Jak adznačyli niekatoryja karystalniki, za 60—70 mietraŭ ad miesca, dzie, jak miarkujecca, spyniłasia «Alesia», znachodzicca centralnaje schovišča Nacyjanalnaha banka Biełarusi.
— Praca miechanizavanaha ščyta «Alesia» sapraŭdy spynienaja, — raspavioŭ namieśnik načalnika pa ideałohii UP «Minskmietrabud» Aleh Bajčuk. — Zaraz viaducca peŭnyja pracy, my mianiajem niekatoryja ahrehaty. Praca ščyta adnovicca praz dva tydni.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć11
Kolki biełarusaŭ atrymali polskaje hramadzianstva za apošni čas. Ličby ŭražvajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary