Апарат, які капае метро, захрас каля падземнага сховішча Нацбанка
З лютага 2016 года пры будаўніцтве трэцяй лініі метро рабочыя выкарыстоўваюць механізаваны шчыт масай 550 тон і даўжынёй 70 метраў. Французскі апарат коштам 11 мільёнаў еўра здольны прабіваць тунэль дыяметрам шэсць метраў, пры гэтым апарат адразу манціруе вакол сябе тунэльныя сцены. Па традыцыі такім агрэгатам даюць жаночыя імёны, гэты шчыт назвалі «Алеся», паведамляе «Комсомольская правда».
Алеся прарубіла два доўгія тунэлі ад станцыі «Вакзальная» праз «Плошчу Багушэвіча» да «Юбілейнай плошчы», а 10 мая гэтага года «нырнула» ў іншы бок — капаць тунэль ад «Вакзальнай» да «Кавальскай слабады». Спачатку ўсё было добра: за паўтара месяца Алеся прайшла 200 метраў тунэля.
Але потым нешта пайшло не так. З сярэдзіны лета пра працу шчыта нічога не было чуваць. Першыя паведамленні на профільных форумах з'явіліся ў пачатку верасня: «Алеся» стаіць амаль усё лета, прайсці атрымалася ўсяго 300 метраў.
— Шчыт «Алеся» з чэрвеня без руху, на нешта цвёрдае наткнуўся, зламаліся валы, — напісаў адзін з карыстальнікаў. — Паставілі новыя — таксама зламаліся. Французскія спецыялісты сказалі, што машына ні пры чым, яна спраўная. Трэба рабіць раскоп зверху і глядзець, на што наткнуўся шчыт. Але зверху знаходзіцца жылы дом, які ніхто не адсяляў! Шчыт захрас практычна пад ім на глыбіні 11 метраў, таму яго адсунуць нельга, «Алеся» можа рухацца толькі наперад.
Крыніцы «Камсамольскай праўды» пацвердзілі інфармацыю пра тое, што Алеся спынілася.
Як адзначылі некаторыя карыстальнікі, за 60—70 метраў ад месца, дзе, як мяркуецца, спынілася «Алеся», знаходзіцца цэнтральнае сховішча Нацыянальнага банка Беларусі.
— Праца механізаванага шчыта «Алеся» сапраўды спыненая, — распавёў намеснік начальніка па ідэалогіі УП «Мінскметрабуд» Алег Байчук. — Зараз вядуцца пэўныя працы, мы мяняем некаторыя агрэгаты. Праца шчыта адновіцца праз два тыдні.
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны29
Каментары