U Žodzinie sproba kradziažu bienzapiły paviarnułasia dla mužčyny prapažaj mašyny i kryminalnaj spravaj, paviedamlaje UUS Minabłvykankama.
29-hadovy žychar Smalavičaŭ nočču 12 kastryčnika adpraviŭsia na «žyhulach» u Žodzina na piłaramu, kab skraści bienzapiłu. Adnak akazałasia, što pradpryjemstva pracuje i ŭ načnuju źmienu.
Mužčyna paśpieŭ prychapić bienzapiłu, a kali ŭžo źbiraŭsia sychodzić, jaho zaŭvažyli rabotniki. Złodziej vyrašyŭ pieraskočyć płot, ale padviarnuŭ nahu i ŭpaŭ, tady jon prapanavaŭ rabotnikam vyrašyć kanflikt na miescy, bieź milicyi.
Tyja vyrašyli pajści nasustrač. Na piłaramu pryjechaŭ haspadar, jon vysłuchaŭ i adpuściŭ chłopca, ale pakinuŭ u siabie jaho mašynu.
Da ranicy haspadar piłaramy vyrašyŭ, što było b niadrenna, kali b złodziej kampiensavaŭ jamu «maralnuju škodu». Praź niekalki dzion žychar Smalavičaŭ pajechaŭ zabirać aŭto i ŭziaŭ z saboj siabroŭ na vypadak, kali haspadara piłaramy nie zadavolić kampiensacyja i jon nie zachoča viartać «žyhuli». Adnak vyśvietliłasia, što mašyny na terytoryi pradpryjemstva niama.
Na pytańnie haspadara aŭtamabila, dzie jaho majomaść, dyrektar prosta raźvioŭ rukami. Taki adkaz nie zadavoliŭ haściej, i jany napali na mužčynu, rabotniki piłaramy patelefanavali ŭ milicyju.
Rabočyja raskazali historyju milicyi. Akazałasia, što adnaho z rabotnikaŭ piłaramy kalehi adpravili pajechać na mašynie u kramu pa śpirtnoje, adnak niećviarozaha kiroŭcu spynili supracoŭniki DAI. Na jaho skłali pratakoł, a «žyhuli» pastavili na štrafstajanku dla dalejšaha razhladu.
Vyśvietliłasia, što sproba kradziažu bienzapiły nie adziny epizod u karjery žychara Smalavičaŭ.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary