Paŭabaronca «Mančestar Junajted» nazvany najlepšym eŭrapiejskim hulcom pavodle versii časopisa France Football.
Partuhalec staŭ uładalnikam «Załatoha Miača» paśla taho, jak zabiŭ 42 hały ŭ minułym sezonie i dapamoh «Junajted» stać čempijonami Premjer Lihi dy vyjhrać Lihu Čempijonaŭ.
Ranałdu nabraŭ 446 bałaŭ, a forvard «Barselony» Lijanel Mesi i forvard «Liverpulu» Fernanda Tores zaniali 2‑ie i 3‑ie miescy, nabraŭšy 281 i 179 punktaŭ adpaviedna.
Pryz Kryšcijanu Ranałdu budzie ŭručany 7 śniežnia na ŭračystaj cyrymonii, pryśviečanaj hetaj padziei, paviedamlaje sajt manutd.ru
Ranałdu na pieršaje miesca pastavili 77 z 96 čałaviek, usie ŭdzielniki apytańnia. Taksama futbalist staŭ adzinym, kaho zhadali ŭ svaim vybary ŭsie ŭdzielniki hałasavańnia, dadaje Sport‑Siehodnia.
Dziasiatka najlepšych: Ikier Kasiljas («Reał», 133), Chavi («Barselona», 97), Andrej Aršavin («Zenit», 64), David Vilja («Valensija», 55), Kaka («Milan», 31), Złatan Ibrahimavič («Inter», 30), Styven Džerard («Liverpul», 28).
***
«Załaty miač» zasnavany redakcyjaj France Football u 1956 h. Uładalnikam pieršaha «Załatoha Miaču» staŭ Stenli Mećjuz. Jon vystupaŭ za anhlijski «Błekpuł».
Trafej štohod uručajecca najlepšamu futbalistu Eŭropy, jaki vyznačajecca ŭ vyniku apytańnia spartovych vydańniaŭ.
Letaś trafiej atrymaŭ Kaka («Milan»), pazaletaś Fabijo Kanavara.
Apošni raz «Załaty miač» atrymlivaŭ hulec, što vystupaje ŭ premjer-lizie ŭ 2001 h. Heta byŭ Majkł Oŭen, jaki tady vystupaŭ za «Liverpul», u 1968 h. Džordž Best (MIU), u 1965 h. Bobi Čarłtan (MIU), u 1964 h. - Denis Łoŭ (MIU).
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary