Frahmienty savieckaha tanka T-34-76 raskapali ŭ pasiołku Załaty Roh Vietkaŭskaha rajona Homielskaj vobłaści, raskazaŭ BiełTA technik adździeła ekspanavańnia bajavoj techniki i ciažkaha ŭzbrajeńnia Biełaruskaha dziaržaŭnaha muzieja historyi Vialikaj Ajčynnaj vajny Alaksandr Humoŭski.
Na mahčymaje miescaznachodžańnie bajavoj mašyny pošukavikam pakazaŭ vałancior muzieja hamialčanin Dźmitryj Łukjanienka. U listapadzie 1943 hoda ŭ hetych miescach pravodziłasia apieracyja pa vyzvaleńni Homiela, u jakoj udzielničali tankavyja pałki.
Śpiecyjalisty daśledavali terytoryju mahnitamietram. Prybory zaśviedčyli, što na hłybini 3-5 m jość mietał. Na praciahu dvuch sutak z-pad ziamli byli padniatyja husienicy tanka, dno, pravy bort, frahmienty łabavoj brani korpusa i drobnyja častki padvieski i pryvadu.
Bojekamplekt adsutničaje. Jość viersija, što tank, jaki zachras u bałocie, byŭ padarvany. Reštki bajavoj mašyny doŭhija hady byli pachavanyja ŭ tarfianiku, dziakujučy hetamu vyjaŭlenyja frahmienty dobra zachavalisia. «Na znojdzienych elemientach niama iržy, farba nie paškodžanaja», - udakładniŭ Alaksandr Humoŭski.
Znachodku dastavili na terytoryju ekspazicyi bajavoj techniki i ciažkaha ŭzbrajeńnia muzieja historyi Vialikaj Ajčynnaj vajny ŭ pasiołku Stańkava Dziaržynskaha rajona. Nieŭzabavie śpiecyjalisty pačnuć adnaŭleńnie i restaŭracyju tanka.
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku34
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary