Častka kantentu «Našaj Nivy» stała płatnaj. Dla čaho heta robicca i jak płacić?

Užo ad siońnia, adkryvajučy na «Našaj Nivie» niekatoryja materyjały, vy budziecie bačyć paznaku: «Hety artykuł płatny». Hetyja artykuły buduć dastupnyja tolki siabram Kłuba čytačoŭ. Tłumačym čamu.

Ź pierachodam u internet u miedyjaśfiery našaj krainy skłałasia nie zusim zdarovaja situacyja. Bolšaść papularnych u nas sajtaŭ finansujuć dziaržavy (biełaruskaja, ale taksama Rasija, ZŠA ci Polšča). Inšyja finansujucca vyklučna z dachodaŭ ad rekłamy — što vielmi časta aznačaje zaležnaść ad vialikaha biznesu. I zaležnaść ad intaresaŭ dziaržaŭ, i zaležnaść ad intaresaŭ biznesu pa-narmalnamu pavinny ŭraŭnavažvacca niepasrednaj zaležnaściu ad «prostych ludziej», ad hramadzian. Raniej, u papiarovuju epochu, heta była zaležnaść ad padpisčykaŭ, pakupnikoŭ.

«Naša Niva» — pryvatnaje vydańnie, my ćviorda zachoŭvajem niezaležnaść ad uładaŭ i roŭnaaddalenaść ad palityčnych siłaŭ i biznes-kołaŭ. U NN vialikaja viernaja aŭdytoryja, jakaja cenić vydańnie i padzialaje našy ideały niezaležnaści, biełaruskaści i pravavoj dziaržavy.

Ciapier sajt NN.by štodnia naviedvaje kala 50 tysiač unikalnych karystalnikaŭ — heta najbolšaja ličba siarod usich biełaruskamoŭnych resursaŭ u śviecie.

My starajemsia adpaviadać času, adhukacca na zapyty čytačoŭ, tamu stvarajem novyja pradukty: tolki sioleta my zapuścili hlancavy časopis «Naša historyja», zapracavała biełaruskamoŭnaja Afiša, startavaŭ prajekt videahutarak «Tok».

Kab dapamahčy «Našaj Nivie» raźvivacca i nadalej, my stvaryli Kłub čytačoŭ. Nam važna zaležać najpierš ad svaich čytačoŭ, heta zaruka suviazi z vami.

Ustupić u Kłub

Siabry Kłuba, aformiŭšy padpisku, atrymajuć nieabmiežavany dostup da płatnaha kantentu, naprykład, artykułaŭ «Našaj historyi», archiŭnych materyjałaŭ, i nie tolki.

Karystalniki ž zmohuć kuplać razavy dostup da asobnych artykułaŭ.

Kolki kaštuje padpiska?

Pavialičyć

Dostup da płatnaha kantentu kaštuje 6 rubloŭ na miesiac. Kali vy padpisvajeciesia adrazu na bolšy termin, budzie tańniej — 15 rubloŭ na kvartał, 30 rubloŭ na paŭhoda ci 50 rubloŭ na hod.

Kali vam patrebny dostup tolki da adnaho artykuła, možacie nabyć tolki jaho. Heta kaštuje 3 rubli.

Albo vy možacie prosta pakłaści na svoj našaniŭski rachunak lubuju sumu hrošaj, kab padtrymać vydańnie. Paśla vy zmožacie patracić ich na padpisku ci na dadatkovyja pasłuhi.

Apłacić padpisku možna praz ARIP albo naŭprost kartkaj. Nie chvalujciesia, heta absalutna biaśpiečnaja apieracyja, jak i ŭ luboj internet-kramie.

Płaciažy prymajucca i z-za miažy.

Kali majecie dadatkovyja pytańni, zadavajcie ich u kamientarach albo listujcie na [email protected]

Ustupić u Kłub

• 0
• 0
• 0
• 0
• 0
• 0
• 0
• 0