Zdareńnie adbyłosia viečaram 20 studzienia, paviedamlaje BiełTA. U 36-hadovaha mužčyny było skradziena hrošaj i majomaści bolš čym na 6 500 rubloŭ.
U hety dzień paciarpiełamu prapanavali kupić z ruk televizar za 3 500 rubloŭ. Mužčyna damoviŭsia z «pradaŭcom» pra miesca i čas sustrečy. Pryjechaŭ pa patrebnym adrasie i patelefanavaŭ u damafon, sa śpiny da jaho padyšoŭ mužčyna i raspyliŭ piarcovy haz.
Kali paciarpieły pavaliŭsia, da jaho padbieh inšy mužčyna i ŭdaryŭ jaho. Razumiejučy, što ŭsio adbyvajecca z-za hrošaj, mužčyna skazaŭ, što hrošy ŭ sumcy. «Paśla napadniki źbiehli, a paciarpieły patelefanavaŭ u milicyju i paviedamiŭ pra zdareńnie.
Złačyncy byli zatrymanyja ciaham paŭhadziny: heta 36-hadovy, 24-hadovy i 35-hadovy žychary Viciebska. Viadoma, što ŭsie jany raniej sudzimyja, pracavaŭ ź ich tolki adzin. Paciarpieły raniej byŭ znajomy z adnym z padazravanych.
Kamientary