U Livierpuli mužčyna na ekskavatary raźnios pabudavany im hatel paśla taho, jak nie atrymaŭ zarpłatu VIDEA
Budaŭniki ŭ hety ž dzień skončyli pracu nad novym hatelem Travelodge ŭ Livierpuli, Anhlija. I mužčyna, mabyć, vyrašyŭ, što heta samy zručny momant, kab pakvitacca z načalstvam, piša The Sun.
U siecivie staŭ papularnym rolik, na kadrach jakoha ašaleły kiroŭca ekskavatara razburaje choł hatela. Jon niekalki razoŭ zajazdžaje i vyjazdžaje z prazrystych dźviarej, razburajučy ŭsio na svaim šlachu na vačach u šakavanych kalehaŭ. A potym dabirajecca i da stojki rehistracyi.
Pa słovach vidavočcaŭ, rasprava doŭžyłasia kala paŭhadziny. Pryčynaj hetamu stałasia zatrymka zarobku, piša The Sun. Mužčynu nie zapłacili 600 funtaŭ (kala 1650 rubloŭ). Za kadram možna čuć hołas adnaho z rabočych, jaki kryčyć: «Voś što byvaje, kali ludziam nie płaciać zarpłatu». Paśla taho, jak kiroŭca pryvioŭ svoj namier u vykanańnie, jon kinuŭ ekskavatar i źbieh ź miesca.
Kamientary